Isaya 5:30 - Baibo Busansulushi Bwa Libuku Ili

³⁰ Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Isaya 5:30 ပူးပေါင်းရင်းမြစ်များ

Shikushimikila 12:2

Ciindi cilaakushikila mumuni walisuba, wa mweenshi awa nyenyeenshi, ndyeshi ukacileeke kubonekesha. Aalo makumbi alaakuboolela mfula yaakumana.

Isaya 13:10

Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Isaya 13:4

Amunyumfwe ciyobeyobe patulundu, ciyobeyobe cili anga nca bantu baanji! Amunyumfwe coongo ca shimfulunganya pakati ka malelo, coongo cili anga nca bantu ba mushishi shiinji babungana. Mwaami Lesa Shinkusu shoonse mwiine ngowabunganya bashilumamba bakwe ayi baye kunkondo.

Isaya 17:12

Amunyumfwe bukali bwa bantu bamumishobo iinji. Mbakalibo anga ncipuupu ciyoosha ca palweenge! Ciyobeyobe cabo cilibo anga nciwuutila ca maaba ayoosha!

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 59:9

Bantu bakaamba ayi, “Anu nceceeco koombolosha kululame ncekwatutalamukila! Anu nceceeco kweenda cakubula kampenda ncekutabetele pafwaafwi aswebo! Tulacita ayi tulangoolewo mumuni, sombi tulacanabo munshinshe. Tuleelesha kulangila ayi mpashi kulatuba, sombi ndikwiindaawo akushiya.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Jelemiya 30:5

“Kulila kwa boowa kutoonyumfwika. Ncakwiila nkulila kwa kuloondesha kuteshi kwa luumuno, sobwe.

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 6:23

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Jelusalemu.”

Malilo 3:2

Wakantandaanya akunengesha kweenda mumunshinshe kuteshi mumumuni.

Esekelo 26:3

Paceebo ceeco Mwaami Lesa Shinkusu shoonse waamba ayi, ‘Ndaakukulwana ondabala ya Taya akukuletela mishobo imwi kwisa mukukulwana bweenka bunyamuka maaba a mulweenge.

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Amosi 8:9

Pabushiku ubo ndaakulengesha lisuba kutabala lyakuba pakati ka mutwi akulengesha kuba munshinshe kalicilibo malumwi. Nebo neMwaami Lesa Shinkusu shoonse ndaamba.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.