Isaya 5:28 - Baibo Busansulushi Bwa Libuku Ili

²⁸ Mifwi yabo ilikolete alimwi mata abo alibambitwe kale. Shoondo sha maaki abo nshiyumubo anga ndibwe, aalo mawilo a shikoci shabo sha nkondo alacicabo anga nkapupuulwa.

Isaya 5:28 ပူးပေါင်းရင်းမြစ်များ

Kulumbaisha 120:4

Ulaakumupa mulandu kwiinda mukumuyasa amifwi ikolete ya shilumamba alimwi amakalangasha a mulilo afubela pyu.

Kulumbaisha 45:5

Ncakwiila mifwi yanu ilikolete, ilapulinkana akuyasa balwani kumyoyo. Aboobo mishobo imwi ilakomwa akulyatililwa kuli ndimwe.

Isaya 13:18

Balaakucaya basankwa bacikula bwangu amata abo. Teshi bakafwitewo nkumbu bakateta nabibo banike.

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Jelemiya 47:3

Balaakunyumfwa minkiti ya shoondo sha maaki, coongo ca shikoci sha balwani babo akuyobeka kwa mawilo a nshisho. Bamashali basankwa teshi bakaboole kwisule mukufuna bana babo. Maansaabo alaakunooloketebo.

Jelemiya 5:16

Mifwi ya mushipokolo shabo ilacaya bantu baanji baanji. Bashilumamba abo boonse mbayumu abuumbi.

Esekelo 26:11

Bashilumamba beshikulwanina pamaaki balaakuwuumuka mumikwakwa yoonse akucaya bantu bako kumupeeni. Macinko ako ayumu alaakuwishikwa.

Esekelo 38:9

Webo abashilumamba bako boonse alimwi amishobo imwi iinji njooli ayo, mulaakuya munkondo akulwana anga ncipuupu cinene. Mulaakubabo anga ndikumbi lyafwekelesha cishi.’ ”

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Naamu 3:2

Amunyumfwe kulila kwa shiswepu, kulila kwa mawilo, kutambala kwa maaki, akuyobeka kwa shikoci.

Boomboloshi 5:22

Lyalo minkiti ya maaki akalinga kucica yakanyumfwika Akalinga kwisa butambala abuumbi cakwaamba ayi inshi keelila.