Isaya 5:27 - Baibo Busansulushi Bwa Libuku Ili

²⁷ Pakati kabo taaku weshi akaleeme nabi kulisuntula cakuwa, alimwi taaku nabi weshi akashinshile nabi koona. Taaku weshi akanoocite laamba usensuluka wiine nabi ntambo ya nkwabilo yeshi ikasutuke.

Isaya 5:27 ပူးပေါင်းရင်းမြစ်များ

1 Baami 2:5

“Cimwi cikani nci. Uliingashite ncaakacita Joabu mwanaakwe Seluiya kuli ndime ndyaakacaya bamatanjilili bobilo ba bashilumamba bene Isilaeli, Abina mwanaakwe Na alimwi aAmasa mwanaakwe Jeta. Uliingashite mbuli mbwaakabacaya muciindi ca luumuno mukuboosha cishole pamfwa nshibakalengesha muciindi ca nkondo. Wakacaya bantu batacite mulandu. Ono nebo ndime ncite mulandu paceeco ncaakacita. Aboobo shoonse shamulandu uyo shilisukeme ndime.

Jobo 12:18

Ulaakusha bamaami pabwaami bwabo alimwi akubalengesha kuba basha.

Jobo 12:21

Ulalengesha bantu balemekwa kumana bulemu, ncakwiila ulatimboola misampi ipamya beshinkusu.

Kulumbaisha 18:32

Ono uyu Lesa eenka nceciyubilo cangu ciyumu nta, alimwi ulanengesha kweenda, nshila yangu keetuba.

Kulumbaisha 93:1

Mwaami Lesa ngoolela ulifwete bwaami, ulifwete bwaami alimwi ulicite nkusu. Cishi ca panshi ciliimfwi mumusena womwi, aboobo tacitenkaani.

Tushimpi 3:23

Lyalo ulaakunokweenda kwakubula cakulisukama, ncakwiila ulaakunokweenda cakubula kulisuntula napaceyi.

Isaya 11:5

Bululami bulaakuba ngolaamba wakwe. Kushomeka ngolaamba wakwe wakufwala mubukome.

Isaya 45:1

Ono Mwaami Lesa waambila Sailasi uyo ngwaakasala ayi, “Ndakucatilila palyaansa lyalulyo kwaamba ayi ukome mishobo ya bantu akufuula bamaami bulemu bwabo. Ndaakukucalwita shisasa sha kuminjililo ya mandabala anene kwaamba ayi ikanoolibo bwaashi.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Danyelo 5:6

Ciwa ca mwaami cakasanduka kuboowa. Wakaloonda abuumbi cakwaamba ayi mumanungo mwakaboolabo tontolo.

Mateyo 3:4

Joni wakalinga kufwala shakufwala shakapangwa abooya bwa ngamela alimwi alaamba wacipaya mubukome. Wakalinga kulyabo nsoshi abuuci.

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.