Isaya 5:25 - Baibo Busansulushi Bwa Libuku Ili

²⁵ Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 5:25 ပူးပေါင်းရင်းမြစ်များ

1 Baami 14:11

Wamuŋanda yako uli woonse weshi akafwite mundabala inene ulaakulikwa kubakabwa, alimwi uyo woonse weshi akafwite muliwesa ulaakulikwa makubi. Ubo nebo neMwaami Lesa mbondaamba!’ ”

1 Baami 16:4

Wamuŋanda yako uli woonse weshi akafwite mundabala inene ulaakulikwa kubakabwa, alimwi uyo woonse weshi akafwite muliwesa ulaakulikwa makubi.”

1 Baami 21:24

Wamuŋanda yako uli woonse weshi akafwite mundabala inene ulaakulikwa kubakabwa, alimwi uyo woonse weshi akafwite muliwesa ulaakulikwa makubi.”

2 Baami 13:3

Lyalo Mwaami Lesa wakakalalila bene Isilaeli akubaaba mumaansaakwe Asayelo mwaami wa bene Silya amumaansaakwe Benadadi mwanaakwe kwaciindi cilaamfu.

2 Baami 9:37

Sheshi shikaacaale shilaakupalanganishikwa anga ngamafumba. Taaku muntu weshi akashishiibe ayi nshakwe Jesebelo.’ ”

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Jobo 9:13

Lesa na wakalala kale taabooli pesule. Lakwe ulalengesha abacafwi bakwe Laabu shinshimwe ulya kufukama mukumulemeka.

Kulumbaisha 106:40

Aboobo Mwaami Lesa wakakalalila bantu bakwe. Ee, bantu mbwaakasala bakamufundoosha kumoyo.

Kulumbaisha 114:7

Tenkaana webo ocishi ca panshi kunembo lya Mwaami Lesa. Ee, tenkaana kunembo lyakwe Lesa wakwe Jakobo.

Kulumbaisha 18:7

Lyalo kwakaba citentanshi mucishi ca panshi. Liculu alyalo lyakatenkaanishikwa ceebo Mwaami Lesa wakakalala.

Kulumbaisha 68:8

cishi ca panshi cakatenkaana aliculu lyakalosha mfula kunembo lya Lesa wa kuSinayi, Lesa wa bene Isilaeli.

Kulumbaisha 77:18

Cilulumo canu cakanyumfwika mukapupuulwa, akubeka kwa mfula kwakatubya cishi coonse. Cishi cakatutuma akutenkaana kucitentanshi.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulumbaisha 83:10

Bamaami abo mwakabalobya muEndoli, mituntu yabo yakabola pabulongo.

Kulonga 7:19

Mpomunyaawo Mwaami Lesa wakaambila Mose ayi, “Ambila Aloni anyamune nkoli yakwe akwiitandabika pamilonga yoonse, tulonga twakupanga alimwi amyaala yoonse muIjipiti. Maanshi oonse atokwaaluka bulowa, alimwi mucishi coonse mutooba bulowa, amumankubala alimwi amunongo sha mabwe shoonse.”

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Isaya 14:19

Ono webo wayumbulwabo pantu pomwi abaabo bakacaikwa, ncakwiila abo bakacaikwa kumipeeni. Wawaalwabo ambabo mucuumbwe ca mabwe akulyatoolwa.

Isaya 23:11

Mwaami Lesa watandabika lyaansa lyakwe palweenge akulengesha malelo kututuma. Waamba ayi shiyubilo sha bene Kenani shinyonyoolwe.

Isaya 25:11

Balaakutandabika maansaabo anga ngumuntu utooyanda kusamba njabwe. Sombi Lesa ulaakumana kulisumpula kwabo nakubi kwaamba ayi balacita shabucenjeshi.

Isaya 29:2

Ono ndaakushinguluka ndabala iyo yaambwa ayi ncipaililo cakwe Lesa. Ndushinisho kulaakuba kulila abuumba buyoosha muli njiyo. Ndabala yoonse ilaakubabo pyupyupyu kubulowa anga ncipaililo.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 64:3

Kale kale mwakalinga kucita shintu shikankamika isho nshetwatakalinga kulangila. Mwakaseluka panshi alimwi tulundu twakamubona akutenkaana pameenso anu.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Isaya 9:11

Sombi Mwaami Lesa wabalamuna balwani babo ee, wababalamuna kwaamba ayi babalwaane.

Isaya 9:16

Abo batanjilila bantu aba, babapilinganya. Abalo abo batanjililwa basowekwa.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 9:20

Kululyo balacana shakulya, sombi tabakuti. Kucipiko balacana shakulya, sombi balafwa nsala. Ono batoolya abana babo bakushala beene!

Isaya 9:21

Bene Manase abene Efuleemu babukilana beene abeene. Kuswawaawo bacatana pomwi akulwana bene Juda. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 15:3

“Nebo neMwaami Lesa ndaakubatumina shintu shiyoosha shone. Ndaakubatumina nkondo ayi bacaikwe, bakabwa ayi babakweelaanye, bayuni ayi batalike kubalya alimwi abanyama bamuluundu ayi balye sheshi shikacaaleeko.

Jelemiya 16:4

Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Jelemiya 4:24

Ndakalanga kutulundu akubona ayi tutootenkana. Ncakwiila tulundu toonse twakalinga kushanashana.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 6:12

Maandaabo alaakupekwa kubantu bamwi pantu pomwi amyuunda yabo alimwi abamakaabo. Ico cilaakucitika na nkafungulule lyaansa kuuma babo bekala mucishi.

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.

Jelemiya 9:22

Mwaami Lesa waamba ayi, “Baambile ayi, ‘Mituntu ya bantu ilaakunoolibo anga ngamatombe apantantaala muluundu. Ee, ilaakunoobonekabo anga ngamaila aceswabo kwakutaabunjika kwisule lya shikucesa.’ ”

Malilo 5:22

NoBaami baLesa, sa mwatukaka kwamuyayaya? Sa bukali bwanu buyoosha teshi bukamaane?

Esekelo 15:6

“Paceebo ceeco, nebo neMwaami Lesa Shinkusu shoonse ndaamba ayi, ‘Bweenka mbuli mbondakapa musampi wa munyansa pashisamu shoonse sha muluundu kuba nkuni mbweeke ubo mbweshi nkacite abantu bekala muJelusalemu.

Esekelo 30:25

Ndaakupa nkusu mwaami wa bene Babiloni, sombi Falawo lakwe maansaakwe alaakuba cifwe. Ndaakupa mwaami wa bene Babiloni mupeeni ayi akoosebenseshe mukulwana cishi ca Ijipiti. Lyalo ndyeshi bakeshibe ayi nebo ndi Mwaami Lesa.

Esekelo 6:14

Ndaakufungulula lyaansa lyangu akunyonyoola cishi cabo kuswa kuluyanga lwakumalenge kuya mukushika kuLibula kumatwa. Nkokwaamba ayi koonse uko nkobashiite. Lyalo ndyeshi bakeshibe ayi nebo ndi Mwaami Lesa.”

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Amosi 8:8

“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Naamu 1:5

Tulundu tunene tulatenkaana kunembo lyakwe atwalo tulundu tuniini tulasunguluka. Cishi ca panshi cilatenkaana kunembo lyakwe, ncakwiila cishi coonse cilatenkaana aboonse abo bekalaamo.

Abakuku 3:10

Tulundu nditwakamubona twakatalika kutenkaana. Mfula yakaloka abuumbi. Lweenge lulaamfu lwakawoota aalo maaba akakomena abuumbi.

Sefaniya 1:17

Mwaami Lesa waamba ayi, “Ndaakuleta mapensho kubantu balaakweenda anga mboofu mukwiinga bakabisha kuli ndime neMwaami Lesa. Bulowa bwabo bulaakutilwa anga ngamaanshi alimwi mituntu yabo ilaakubola mubulongo.”

Dutolonomi 31:17

Pabushiku ubo ndaakubakalalila akubafutatila, mpeeke balaakunyonyooka. Balaakupolelwa mapensho aanji kushikila bakeshibe ayi shoonse shabacitikila ceebo nebo neMwaami Lesa nshibete ambabo.

Dutolonomi 31:18

Ncakwiila pabushiku ubo ndaakubafutatila ceebo ca bubi bwabo bwakulambila balesa bamwi.

1 Bene Tesalonika 2:16

Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.