Isaya 5:22 - Baibo Busansulushi Bwa Libuku Ili

²² Mapensho kubaabo baambwa busankwa pawaini! Ee, abo batacite boowa na caamba kusenkanya shakunwa shikali!

Isaya 5:22 ပူးပေါင်းရင်းမြစ်များ

1 Baami 20:16

Kulwana kwakatalika ciindi lisuba ndilyakashika pakati ka mutwi. Paciindi ico Benadadi abamaami abo mbwaakalinga kucafwanaabo bakalinga makumi otatwe aobilo ndibakalinga kucikolwa mumatente abo.

Kulonga 23:8

Mutatambuli mashinka kanwa, ceebo mashinka kanwa alalengesha ayi bantu abo bapofole akucileka kubona shiluleme, alimwi akunyonyoola maswi a bantu batacite mulandu.

Tushimpi 20:1

Waini ulalengesha muntu kusebaana! Bwalwa bulalengesha muntu kubweka! Uyo woonse upisha mutwi muli mbubo ngumuluya.

Tushimpi 23:29

Ngani uli mumapensho lyoonse, ngani ucite buumba, ngani upikishana abantu, ngani ucite matongooshi, ngani wakatululwa luuma pataapu mulandu, ngani ucite meenso asalala?

Tushimpi 31:4

“Lemwelo, kunwa shilengesha kukolwa teshi cintu cibotu kubamaami. Kunwa waini teshi cintu cibotu kuli mbabo, ncakwiila teshi cintu cibotu baleli kuba anyotwa ya bwalwa.

Tushimpi 31:5

Ceebo na banwa inga baluba milawo mboyaamba akusuula sheelete kupekwa baabo balyatililwa.

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Isaya 24:9

Bantu bacileka kwiimba pakunwa waini, ee, bwalwa bwabo butoobica mukanwa.

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Isaya 5:11

Mapensho kuli baabo bafuminabo kuyandoola shakunwa shikali. Ee, abo banwa cakwipisha lisuba kushikila shabakola cakwiindilila.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Abakuku 2:15

Mapensho kuli ndimwe nomulengesha babyaanu kunwa shikola, ee, kuli ndimwe nomulengesha babyaanu kutalantanta ayi mubabonene matakosha abo.