Isaya 5:2 - Baibo Busansulushi Bwa Libuku Ili

² Wakaulima akukushaamo mabwe oonse. Lyalo wakashangaamo minyansa iindaawo kubota. Mumuunda uyo wakayakaamo katungu akukabaamo cilindi cakutyaninaamo minyansa. Wakalinga kushomete ayi mulaakuswa shisepo shibotu, sombi mwakaswa minyansa iyo yakalinga kusakamwita.

Isaya 5:2 ပူးပေါင်းရင်းမြစ်များ

2 Samwelo 7:10

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

Neyemiya 13:15

Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Kulumbaisha 80:8

Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Kulumbaisha 80:9

Mwakabotesha musena wabo kwaamba ayi bamene miyanda. Bakashimpa alimwi akupansa cakukwana cishi coonse cino.

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Isaya 1:8

Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Jelemiya 11:17

“Nebo neMwaami Lesa Shinkusu shoonse uyo wakamushanga ndaamba ayi mukapolelwe mapensho. Ndacita boobo ceebo mwebo nobene Isilaeli anobene Juda mwakacita shibiibi akusonkomona bukali bwangu kwiinda mukutentela Baali tununkila kabotu.”

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Osiya 10:1

Bene Isilaeli bakalingabo anga ncisamu ca minyansa citookula kabotu alimwi cicatite minyansa iinji abuumbi. Bweenka buboni bwabo mbobwalinga kuya ciindaawo kufula, mbweeke ubo ashipaililo mboshakalinga kuya bufula. Bweenka cishi mbocakalinga kuya ciindaawo kusumpuka, mbweeke ubo abalo mbobakalinga kwiindaawo kubotesha mabwe abo asalalite ayo ngobakalinga kulambila.

Mika 4:8

Ono webo oKalundu ka Siyoni, apo Lesa mpwaalangila bantu anga ngumweembeshi. Bwaami bwako bukulukulu bulya bulaakubooshekwa mumaansaako. Ncakwiila nobene Jelusalemu bwaami bulaakupekwa kuli ndimwe alimwi.

Shakubelenga 23:9

Ndababona kuswa peculu lya tulundu twa mabwe. Ndababona kuswa peculu lya tulundu tulaamfu. Ngumushobo wikalabo weenka, balishi ayi balicite coolwe kwiinda mishobo imwi yoonse.

Mateyo 21:19

Ono ndyaakabona cisamu ca mukuyu mweela nshila, wakayaako ayi mpashi inga wacanako nkuyu. Sombi wakacana taaku, kakuswitebo matewu. Mpomunyaawo wakaambila mukuyu uyo ayi, “Kuswa sunu utakacatiwo nkuyu lyobilo!” Lyalo cisamu cakeendililabo kuyuma.

Mateyo 21:33

Jesu wakabaambila ayi, “Amunyumfwe cikoshanyo acimwi. Kwakalinga muntu wakalima muunda wa minyansa, akuyakilako lushito mweela muunda. Wakakaba cilindi cakutyaninamo minyansa alimwi akuyaka katungu kalaamfu kakulindililamo muunda. Lyalo wakoobwelekesha balimi bamwi, akuya lweendo kucishi cimwi.

Mateyo 21:34

Ono ciindi cakutebula shisepo ndicakashika, muntu uyo wakatuma basebenshi bakwe kubalimi ayi bakamupeewo shisepo sha mumuunda wakwe.

Maako 11:13

Mpeeke wakabona mukuyu palaale kakuswite amatewu. Lyalo wakaya mukubonaamo ayi mpashi inga wacanaamo nkuyu. Sombi ndyaakashika mucisamu, wakacana taamu. Kwakalinga kuswitebo matewu mukwiinga tecakalinga ciindi ca nkuyu.

Maako 12:1

Jesu wakatalika kubeeisha mushikoshanyo. Wakabaambila ayi, “Kwakalinga muntu wakalima muunda wa minyansa akuyakilako lushito mweela muunda. Wakakaba cilindi cakutyaninamo minyansa, alimwi akuyaka katungu kalaamfu kakulindililawo muunda. Mpomunyaawo wakoobwelekesha balimi bamwi, lyalo wakaya lweendo kucishi cimwi.

Maako 12:2

Ndicakashika ciindi cakutebula shisepo, muntu uyo wakatuma musebenshi wakwe kubalimi ayi bakamupeewo shisepo sha mumuunda wakwe.

Bene Loma 9:4

Aba mbene Isilaeli abo Lesa mbaakasala ayi babe bana bakwe akubabonesha bulemu bwakwe. Lesa wakapanganaabo shipangano alimwi akubapa Milawo. Wakabeeisha mbobeelete kumulambila akubalasha shintu nsheshi akabacitile.

1 Bene Kolinto 9:7

Sa kuli shilumamba usebensesha maali akwe mwiine mumulimo wakwe? Sa kuli mulimi ushanga muunda wa minyansa wabula kulyaamo? Sa kuli ufuba ŋombe kwakubula kukamaako mukupa?

Dutolonomi 32:6

Mwebo nobantu baluya, batacite maano, Sa mbomweelete kucita kuMwaami Lesa bulya? Sa teshi ngoIshiwanu, Mulengi wanu, uyo wakamulengesha kuba mushobo unene?

Boomboloshi 16:4

Pesule Samusoni wakasuna mwanakashi wa kuCinyika ca Soleki wakalinga kwiitwa ayi Delila.