Isaya 5:17 - Baibo Busansulushi Bwa Libuku Ili

¹⁷ Mbelele shilaakunoolya bwiisu mumafulo a nshisho. Ncakwiila bana ba mbelele balaakunoolya mumatongo a mandabala anene a babile.

Isaya 5:17 ပူးပေါင်းရင်းမြစ်များ

Neyemiya 9:37

Ceebo ca shibiibi shesu, shoonse shitebulwa shilaya kubamaami mbomwakaleta ayi batweendeleshe. Balacita mbuli mbobasuni kuli ndiswe ashifubwa shesu. Ndushinisho tuli mumapensho anene abuumbi!

Kulumbaisha 119:70

Bantu ba mushobo uyo mbayumu myoyo alimwi tabanyumfwi, sombi nebo ndakondwa mumilawo yanu.

Kulumbaisha 17:10

Balwani abo mbantu batacite nkumbu, milomo yabo ilaamba cakulisumpula.

Kulumbaisha 17:14

Amumfuune kubantu babiibi ba mushobo uyu. Amumpulushe alyaansa lyanu noBaami baLesa, mukwiinga balo caabo mbuumibo buno bweenka. Amubapoomwete mapensho ayo ngomwakabasungila. Kubana babo akeendeewo tibili akubamashikulu babo.

Kulumbaisha 73:7

Mumyoyo yabo mulaswa shibiibi, kuyeeya kwabo nkwa shintu shitaluleme.

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Isaya 17:2

Mandabala anene a Silya alaakucaala matongo kwamuyayaya. Ncakwiila alaakubabo mafulo a mbelele aŋombe umo mweshi shikanoolita kwakubula ushitandaamo.

Isaya 32:14

Ŋanda ya bwaami ilaakucaala cisuukila. Ndabala inene iyi ilaakucaalabo matongo. Shiyubilo sha njiyo amaanda alaamfu a beshikulindilila shilaakucaalabo shikalikulukile shiine. Mumusena woonse uyu mulaakubabo mafulo a mbongolo alimwi ambelele.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Isaya 7:25

Mutulundu moonse umo mwakalinga kulimwa teshi mukanooshikwa ceebo ca myuumfwa ashisonsoonya. Mulaakubabo mwakulita ŋombe ambelele.”

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Malilo 5:2

Buboni bwesu babutola baswamashi, ee, maandeesu abwesekwa abaswamashi.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Osiya 8:7

“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Sefaniya 2:14

Shifubwa shoonse shilaakupanga mulela kweenka uko, kubikaawo anyama sha muluundu. Abalo bamwiina balaakunookala mumatongo a njiyo. Balaakunoolila pambwelyo sha maanda. Bacikwangala balaakunookala kumilyango ya njiyo. Mitanti ya sida ya maanda a njiyo ilaakucaala patuba.

Sefaniya 2:6

Cishi canu mulombe lwa lweenge cilaakusanduka cikabe musena wa beembeshi alimwi ashimpati sha mbelele.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.