Isaya 5:16 - Baibo Busansulushi Bwa Libuku Ili

¹⁶ Sombi Mwaami Lesa Shinkusu shoonse ulaakusumpulwa ceebo ca koombolosha cakutanyengelela kwakwe. Mubululami Lesa usalalite ulaakutondesha ayi ncakwiila ulisalalite.

Isaya 5:16 ပူးပေါင်းရင်းမြစ်များ

1 Makani 29:11

Nkusu, bulemu, bwaami abubotu, nshanu noBaami baLesa mukwiinga shintu shoonse shili kwiculu apacishi ca panshi nshanu. Ncakwiila bwaami mbwanu alimwi ndimwe mweendelesha shintu shoonse.

Kulumbaisha 21:13

Amulumbaishikwe mwebo noBaami baLesa ceebo ca nkusu shanu. Tunanokwiimba akushilumbaisha nkusu shanu.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

Kulumbaisha 9:16

Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 2:9

Paceebo ceeco bantu boonse balaakuletwa panshi akuceeshekwa, nakubi boobo noBaami baLesa mutakabalekeleli!

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 29:23

Baakubona baana mbweshi nkabape, balaakusumina ayi ndime Wooyo Usalalite wa bamulunyungu lwakwe Jakobo. Lyalo balaakunoondemeka neLesa wa bene Isilaeli.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 33:10

Mwaami Lesa utokwaamba ayi, “Ono ntoonyamuka, ee, ntoomutondesha nkusu shangu. Lyalo ntooba abulemu.

Isaya 33:5

Mwaami Lesa ulalemekwa abuumbi, mukwiinga ngoolela mishobo yoonse. Ncakwiila ulaakususha bululami akoombolosha cakutanyengelela mundabala ya Jelusalemu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Isaya 61:8

Mwaami Lesa waamba ayi, “Nebo neMwaami Lesa ndisuni koombolosha kululeme. Bupambi alimwi ashibiibi ndishipatite. Ndaakulambula bantu bangu ceebo nebo ndashomeka alimwi ndaakupangaabo cipangano camuyayaya.

Isaya 8:13

Koibaluka kwaamba ayi nebo neMwaami Lesa Shinkusu shoonse ndisalalite. Ndime ngooelete kuloonda akulemeka.

Esekelo 20:41

Ono pesule lya kumukusha mushishi umo momwakapalanganishilwa akumubunganya pomwi, ndaakusangalala muli ndimwe bweenka mboonsangalala patununkila kabotu uto ntoomuntentela. Lyalo ndyeshi nkalitondeshe ayi ndisalalite pameenso a mishobo imwi yoonse.

Esekelo 28:22

akwiilwiita ayi nebo neMwaami Lesa Shinkusu shoonse ndaamba ayi, ‘Webo Sidoni, ntooyanda kukulwana alimwi ndaakuba abulemu ceebo ca sheesho nsheshi nkakuciite. Ndaakumana kukupa mulandu akulitondesha ayi ndisalalite, bantu balaakwishiba ayi nebo ndi Mwaami Lesa.

Esekelo 28:25

Mwaami Lesa Shinkusu shoonse waamba ayi, “Ndaakubunganya bene Isilaeli kuswa mumishobo iyo njendakabapalanganishilaamo. Ndaakulitondesha ayi ndisalalite pakati kabo pameenso a mishobo imwi. Kuswawaawo balaakunookala mucishi cabo ico ncendakapa musebenshi wangu Jakobo.

Esekelo 36:23

Ono ndaakutondesha kusalala kwa liina lyangu lilemekwa, ilyo lyakabishikwa pakati ka mishobo, ee, liina ndimwakabisha pakati ka mishobo. Lyalo ndyeshi bakeshibe ayi ndi Mwaami Lesa. Nebo Mwaami Lesa Shinkusu shoonse ndaamba. Ndaakutondesha ayi ndisalalite pameenso abo kwiinda muli ndimwe.

Esekelo 38:16

Mulaakulwana bantu bangu bene Isilaeli anga ndikumbi lyafwekelesha cishi. Ciindi ico caakushika, webo Gogi, ndaakukutuma kuya mukulwana cishi cangu kwaamba ayi mishobo imwi ikanshiibe. Ndaakutondesha ayi ndisalalite pameenso abo kwiinda muli ndiwe.

Esekelo 38:23

Mukucita boobo ndaakutondesha mishobo yoonse ayi ndalemekwa alimwi ayi ndisalalite pameenso abo. Lyalo ndyeshi bakeshibe ayi nebo ndi Mwaami Lesa.”

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Shakubelenga 20:13

Cikani ici cakacitikila kuMeliba, uko bene Isilaeli nkobakatongookela Mwaami Lesa, alakwe nkwaakababoneshesha ayi ulisalalite.

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

1 Pita 1:16

Malembo akwe Lesa alaamba ayi, “Mulyeelete kuba bantu basalalite ceebo nebo ndisalalite.”

1 Pita 2:15

Mukwiinga nkuyanda kwakwe Lesa ayi kwiinda mukucita shiluleme muumushe kwaamba kwa baluya kwakubula lushibo.

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”