Isaya 49:7 - Baibo Busansulushi Bwa Libuku Ili

⁷ Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 49:7 ပူးပေါင်းရင်းမြစ်များ

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Kulumbaisha 47:9

Baleli boonse ba mishobo imwi yoonse balabungana pantu pomwi abantu bakwe Lesa, Lesa wakwe Abulaamu, mukwiinga bamaami boonse ba pacishi ca panshi cino mbakwe Lesa. Ncakwiila lakwe ngooindaawo kulemekwa.

Kulumbaisha 68:31

KuIjipiti kulaakuswa beshikwiimikanina beendeleshi, bamucishi cakwe Kushi balaakulibombya kuli Lesa.

Kulumbaisha 69:19

Mwebo mulishi mboontukanwa, mulishi mboonsebaana akunyanshikwa. Ee, balwani bangu boonse mulibeshi.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 19:21

Mwaami Lesa ulaakuliyubulula kubene Ijipiti. Balaakumutambula akutalika kumulambila. Balaakunoobenga milambu akuleta shipo kuli nguwe alimwi balaakunooshomesha cakulumbila kuli nguwe akucita kweelana ambweshi bakanooshomesha.

Isaya 19:23

Ciindi ico caakushikila kulaakuba mukwakwa unene kuswa muIjipiti kuya kuAsilya. Bene Asilya balaakunooya kuIjipiti abalo bene Ijipiti balaakunooya kuAsilya. Bene Ijipiti abene Asilya balaakulambilila pantu pomwi.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 48:7

Shintu isho shalengwa bobulya bweenka, kuteshi kale kale, sobwe. Tamuna kushinyumfwaawo kale kulekabo sunu. Ndacita boobo kwaamba ayi kubule waamba ayi, ‘Anu nshesheesho, nebo isho ndakashinyumfwaawo kale.’

Isaya 49:1

Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Isaya 60:10

Baswamashi mbweshi bakayakulule imumbu shako, ncakwiila bamaami babo balaakutalika kukusebensela. Nabi ndakakuuma ceebo ca bukali sombi mukusangalala ndaakukunyumfwila nkumbu.

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 60:3

Mishobo iinji ilaakukwelwa kwisa kumumuni wako, bamaami balaakwisa kucitubilishi ca kuca kwa bushiku bwako bupya.

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Mateyo 26:67

Mpomunyaawo bakamushipila mate pameenso akumuuma. Bamwi bakamuuma mapaka

Luka 22:27

Ino munene ngani? Sa ngulya uletelwabo shakulya na ngumusebenshi shikubamba shakulya? Ncakwiila ngooyo uletelwabo. Sombi nebo kuli ndimwe ndi anga ngumusebenshi.

Luka 23:18

Sombi boonse bakoolobesha pantu pomwi ayi, “Acaikwe muntu uyu! Amutwaangulwite Balabasi!”

Luka 23:23

Sombi boonse bakayuminina koolobesha ayi, “Ulyeelete kupopwa pamucilingano.” Mpeeke Pilato wakakomwa kumaswi abo.

Luka 23:35

Bantu bakalinga kwiimfwi mweela kabeebela, beendeleshi babo ndibakalinga kuweluluka Jesu kabaamba ayi, “Wakapulusha bamwi ono aalipulushe mwiine, na ngoUsalitwe uyo Lesa ngwaakasala!”

Joni 18:40

Mpeeke bakoolobesha ayi, “Sobwe! Tulisuni Balabasi, kuteshi muntu uyu.” (Ono Balabasi uyo wakalinga shikulwanina lwaanguluko.)

Joni 19:15

Balo bakoolobesha ayi, “Aacaikwe, aacaikwe, aapopwe pamucilingano!” Pilato wakabeepusha ayi, “Sa mulisuni ayi mpope mwaami wanu pamucilingano?” Bamatanjilili ba bapailishi bakakumbula ayi, “Taaku aumwi mwaami ngotucite, eenkabo muleli munene wa kuLoma.”

Joni 19:6

Bapailishi banene abeshikulindilila kuŊanda yakwe Lesa ndibakamubona, bakoolobesha ayi, “Aapopwe pamucilingano, aapopwe pamucilingano!” Mpomunyaawo Pilato wakabaambila ayi, “Amumubwese nobeene muye mukamupoope. Nebo taaku mulandu ngondamucanina.”

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

1 Pita 2:4

Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.