Isaya 49:4 - Baibo Busansulushi Bwa Libuku Ili

⁴ Mpomunyaawo ndakaamba ayi, “Anu ndakalinga kulipenshabo kusebensa. Ee, ndakalinga kumanabo nkusu kwakubula mpindu. Sombi shintu shoonse sheelete ndime shili mumaansa a Mwaami Lesa. Ncakwiila cilambu cangu cilaswabo kuli Lesa wangu.

Isaya 49:4 ပူးပေါင်းရင်းမြစ်များ

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

Tushimpi 29:26

Baanji balisuni ayi muleli abanyumfwile nkumbu, sombi koombolosha kululeme kulaswabo kuMwaami Lesa.

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Isaya 40:10

Amubone Mwaami Lesa Shinkusu shoonse utoosa ankusu alimwi lyaansa lyakwe ndyelilela. Ulicite ashilambu mulyaansa lyakwe ayi ese alambule bantu bakwe.

Isaya 40:27

Ono ceebonshi nobamulunyungu lwakwe Jakobo mulaamba ayi, “Mwaami Lesa taabwene mapensho esu?” Ceebonshi mulatongooka ayi, “Lesa taabikiiko amaano kuli ndiswe nabi katulyatililwa?”

Isaya 57:21

Taaku luumuno kubamucita shibi.” Mwaami Lesa waamba.

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 65:2

Ciindi coonse ndalinga kulibambite kucafwa bantu beshicimpamya. Ee, bantu beenda munshila shibiibi. Mbantu bakonkelabo shamiyeeyo yabo.

Isaya 65:23

Teshi bakanoosebenselawo citacite mpindu, nabi kushala baana beshi bakanoopengabo. Balaakuba bantu abo nebo neMwaami Lesa mbweshi nkape coolwe, nkokwaamba ayi balo abamulunyungu lwabo boonse.

Esekelo 3:19

Sombi na wamucenjesha mucita shibi, ono wabula kusanduka kuswa kububi bwakwe nabi kunshila shakwe shibiibi, ulaakufwa ceebo ca shibiibi shakwe, sombi webo ulaakupulusha buumi bwako.

Bene Lefi 26:20

Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.

Mateyo 17:17

Lyalo Jesu wakabakumbula ayi, “Mwebo nobantu nomutacite lushomo, nobeshicimpamya, anu nkalaanu ciindi cilaamfu buyani? Anu nindilile ciindi cilaamfu buyani kwaamba ayi mushome? Amumulete kokuno!”

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Joni 1:11

Wakesa mucishi cine mishaabo, sombi bene mishaabo baanji tabakwe kumutambula.

Bene Loma 10:21

Sombi pabene Isilaeli, Lesa ulaamba ayi, “Bushiku boonse ndakatandabika maansaangu ayi mbooshe kumubili bantu batanyumfwili alimwi beshicimpamya.”

2 Bene Kolinto 12:15

Ndisangalete kusebensesha shoonse nsheencite anebo nemwiine ceebo cakumucafwa. Ono sa mulyeelete kunsuna paniini ceebo ndimusuni bunene?

2 Bene Kolinto 2:15

Ceebo swebo tuli anga mbweema bwa tununkila kabotu pakutenta uto Jesu Klistu ntwaabenga kuli Lesa. Bweema ubo bwanyumfwika kubaabo beshi bakapulushikwe abaabo batoosowekwa.

Bene Galatiya 4:11

Ndalisukama pali ndimwe mukwiinga ntooyeeya ayi mpashi milimo njendakacita pali ndimwe taaku mbweebete.

Bene Filipi 2:16

pakubalwiita maswi abuumi. Na mwacita boobo, ndaakuba asheebo shakunsangalasha ceebo ca ndimwe paBushiku ubo aakuboola Klistu, mukwiinga cilaakutondesha ayi ndakacicila nabi kusebensela ciliiwo.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.