Isaya 49:1 - Baibo Busansulushi Bwa Libuku Ili

¹ Amukutike mwebo nobantu bekala kulaale, ee, munyumfwe mwebo nomwikala kushishi sha kulaale. Mwaami Lesa wakanjita ayi nkamusebensele kaantana kushalwa. Wakeeta liina lyangu kaancili mumala muli bama.

Isaya 49:1 ပူးပေါင်းရင်းမြစ်များ

Kulumbaisha 22:10

Kuswabo kukushalwa kwangu ndicinkite manungo muli ndimwe. Ndushinisho mwebo muli baLesa bangu kuswabo mulifumo lya bama.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 24:15

Aboobo mwebo nobakwicwe amulemeke Mwaami Lesa, Lesa wa bene Isilaeli. Amumulemeke amwebo nomuli pansumbu sha palweenge.

Isaya 33:13

Mwebo nomuli kulaale, amunyumfwe nshendacita. Amwebo nomuli pafwaafwi noonse amwishibe nkusu shangu.

Isaya 41:1

Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.

Isaya 42:12

Amulumbaishe Mwaami Lesa. Amwambilishe bulemu bwakwe nobamushishi sha muloombe lwa lweenge.

Isaya 44:2

Nebo ndime Mwaami Lesa uyo wakamulenga, ee, Lesa uyo wakabumba womwi awomwi pakati kanu mumala muli banyina alimwi Lesa uyo weshi akanoomucafwa. Mutaloondi nobasebenshi bangu bamulunyungu lwakwe Jakobo. Mwebo muli bantu abo mbondakasala alimwi mboonsuni.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 45:3

Ndaakukupa shintu sha makwebo shishisitwe, ee, bubile buli mumisena ishiya ya bushishi kwaamba ayi ukeshibe ayi ndime Mwaami Lesa, Lesa wa bene Isilaeli uyo ukwiita liina lyako.

Isaya 46:3

Mwaami Lesa waamba ayi, “Amukutike ono nobamulunyungu lwakwe Jakobo, ee, mwebo nomwakacaalaawo pabantu bangu bene Isilaeli. Ndamulama kuswa kuciindi ndimwakamitwa, ncakwiila kumulama kuswa ciindi ndimwakashalwa.

Isaya 49:12

Bantu bangu balaakuswa kumisena ili kulaale. Bamwi balaakuswa kumatwa, bamwi kumbo, bamwi balaakuswa kuAswani kumalenge.”

Isaya 49:5

“Mwaami Lesa wakamumba nebo mumala muli bama ayi mbe musebenshi wakwe. Ee, ayi mbooshe bamulunyungu lwakwe Jakobo kuli nguwe. Wakacita boobo kwaamba ayi muyobolweteeko bene Isilaeli. Mwaami Lesa ulampa bulemu nebo alimwi muli nguwe mooncana nkusu.”

Isaya 51:5

Nebo ntoosa cakufwambaana ciindi cangu cakubapulusha cili pafwaafwi. Nebo nemwiine ndime eshi nkabe mwaami wa mishobo ya bantu boonse. Bantu bekala mushishi shakulaale batoolangila kwisa kwangu. Ndushinisho batoolindila ndime ayi mbapulushe.

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 1:31

Ulaakumita akushala mwaana musankwa uyo ngweshi ukatumbe ayi Jesu.

Joni 10:36

Ono cilaakweela kuli kuwooyo Ishi ngwaakasala akutuma mucishi ca panshi? Anu nceebonshi mutokwaamba ayi ndacobola Lesa mukwiinga ndaamba ayi, ‘Ndi Mwanaakwe Lesa?’

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

1 Pita 1:20

Lesa wakasalilabo limwi Klistu cishi kacitana kulengwa alimwi ceebo ca ndimwe wakalengesha ayi mumubone ciindi cino cakumeelelesho.