Isaya 48:8 - Baibo Busansulushi Bwa Libuku Ili

⁸ Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Isaya 48:8 ပူးပေါင်းရင်းမြစ်များ

Kulumbaisha 40:6

Mwebo tamusangalalili mumilambu nabi mushipo. Milambu yakutenta nabi yakumana shibiibi tamucite asho ncito. Sombi nebo mwakampa matwi akunyumfwila ndimwe.

Kulumbaisha 51:5

Nebo ndakalinga mucita shibi kuswabo kukushalwa, ncakwiila mucita shibi kuswabo bushiku bama mbobakamita.

Kulumbaisha 58:3

Anu bamucita shibi balalubabo kabacimititwe. Mbeshikubishabo akubeca kuswa kukushalwa kwabo.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Isaya 46:8

“Ono mwebo nobamucita shibi kamwiibaluka ceeci. Kamuyeeya shintu nshendakacita.

Isaya 47:11

Ono mapensho alaakwisa pali ndiwe alimwi bwaanga bwako teshi bukaamaneewo. Ncakwiila shinkunka shilaakukulokela cakwaamba ayi kulaakubula weshi akakulubuleeko. Malwesa ayo webo ngootana kubonaawo alaakukupolela cakutaeengashila.

Isaya 48:4

Ndakalinga kwishi kwaamba ayi mutooshininwabo ayi muli beshicimpamya. Mulicite myoyo iyumu anga nceela ca nshimbi. Ayalo mitwi yanu njiyumubo anga nceela ca bulonse.

Isaya 48:7

Shintu isho shalengwa bobulya bweenka, kuteshi kale kale, sobwe. Tamuna kushinyumfwaawo kale kulekabo sunu. Ndacita boobo kwaamba ayi kubule waamba ayi, ‘Anu nshesheesho, nebo isho ndakashinyumfwaawo kale.’

Isaya 50:5

Mwaami Lesa wakampa busongo bwakunyumfwishisha shintu. Nshikwe kumwaashukilaawo nabi kumufutatilaawo.

Isaya 57:4

Anu mutooyeeya ayi ngani ngomutoosekanya? Anu mutooyeeya ayi ngani ngomutoowela? Sa te mwebo noonse tamubete bamulunyungu lwa baashu ee, baana ba babalya babeshi?

Jelemiya 3:20

Sombi bweenka mbuli mwanakashi utashomeki kuli ibaye, mbweeke ubo amwebo mbomutashomeki kuli ndime mwebo nobene Isilaeli. Nebo neMwaami Lesa ndaamba.”

Jelemiya 5:11

Bene Isilaeli abene Juda bakaalililabo kushomeka kuli ndime. Nebo neMwaami Lesa ndaamba.”

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Jelemiya 6:10

Mpomunyaawo ndakakumbula ayi, “Ngani ngweshi ŋambile akucenjesha? Ino ngani weenga wankutika? Matwi abo akashinkwa, aboobo tabakoonshi kunyumfwa. Maswi anu noBaami baLesa alabacima aboobo tabasangalalilimo, sobwe.

Osiya 5:7

Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.

Osiya 6:7

Ono mwebo mwapwaya cipangano bweenka bwakapwaya Adamu.

Osiya 7:9

Tabeshibi ayi kucinka manungo mumishobo iyo kwabamana nkusu. Nshiku sha buumi bwabo shitooya kumeelelesho, sombi balo taaku ancebabwene.

Malaki 2:11

Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Dutolonomi 31:18

Ncakwiila pabushiku ubo ndaakubafutatila ceebo ca bubi bwabo bwakulambila balesa bamwi.