Isaya 48:20 - Baibo Busansulushi Bwa Libuku Ili

²⁰ Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 48:20 ပူးပေါင်းရင်းမြစ်များ

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

Esila 2:1

Ono basha baanji bakaswa mucishi ca Babiloni akuboolela kundabala ya Jelusalemu akucishi ca Juda. Womwi awomwi wakaboolela kundabala ine mishaabo. Bamumaanda babo boonse bakalinga kwikala mucishi ca Babiloni kuswa ciindi mwaami Nebukadinesa ndyaakabatola busha.

Kulumbaisha 126:1

Mwaami Lesa ndyaakatupilusha kuJelusalemu, twakalinga twabonabo anga muciloto.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 12:4

Pabushiku ubo mulaakwiimba ayi, “Amulumbe Mwaami Lesa, amupaile muliina lyakwe. Amupukishe ncaakacita pakati ka mishobo imwi, akwaambilisha ayi liina lyakwe lilyeelete kusumpulwa.

Isaya 24:14

Bantu beshi bakacaaleewo, balaakwiimba cakusangalala. Bakumbo balaakulumba bulemu bwa Mwaami Lesa.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 48:6

“Shintu shoonse ishi mwakashinyumfwaawo kale, bulya mulyeeletebo kusumina ayi ndakaamba lushinisho. Kuswa sunu ndaakumulwiita shintu shimwi shipya, ee, shintu shishisitwe isho nshemutana kunyumfwaawo kale.

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 51:14

Ncakwiila abo bali muntolongo balaakwaangululwa coonoonobo. Balaakwikala buumi bulaamfu alimwi teshi bakabulewo shakulya shiyandika.

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 31:11

Ceebo nebo neMwaami Lesa ndaakulubula bamulunyungu lwakwe Jakobo. Ncakwiila ndaakubalubula kuswa kubaabo babeendaawo nkusu.

Jelemiya 31:21

“Amushimpike twishibilo munshila, mulabilile nshila njemutokwiindaamo. Amupiluke mwebo nobene Isilaeli, amupiluke kumandabalaanu ngomwakashiya.

Jelemiya 50:2

“Amwaambilishe akoolobesha pakati ka mishobo ya bantu, amwiimike mbembela akoolobesha, mutafunkili nabi comwi, sombi mwaambe ayi, ‘Babiloni ulaakukomwa, Belo ulaakulenshekwa nsoni, Maduki ulaakunyumfwa boowa. Shikoshanyo shakwe shilaakulenshekwa nsoni ashibumbwabumbwa shakwe shilaakupwayoolwa.’

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 50:8

“Amucice, amuswe muBabiloni, ee, amushiye cishi ca bene Babiloni. Amube bataanshi kucica!

Jelemiya 51:45

Amuswe muli nguwe nobantu bangu! Amupulushe buumi bwanu! Amucice kuswa kubukali bwangu buyoosha nebo neMwaami Lesa.

Jelemiya 51:48

Mpeeke liculu acishi ca panshi alimwi ashoonse isho shiliimo shilaakoolobesha cakusangalala ceebo cakukomwa kwa cishi ca Babiloni, kukomwa kubantu abo beshi bakaswe kumatwa mukucinyonyoola.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Sekaliya 10:8

“Ndaakwiita bantu bangu akubabunganya mucishi cabo. Ncakwiila ndaakubapulusha. Balaakufula bweenka mbobakalinga kataanshi.

Sekaliya 2:10

Mwaami Lesa waamba ayi, “Amoolobeshe akusangalala nobene Siyoni ceebo ntoosa mukwikala pakati kanu.”

Dutolonomi 30:4

Nacibi kwaamba ayi mukapalanganishikwe cakuya mukushika kweela cishi ca panshi, Mwaami Lesa, Lesa wanu ulaakumubunganya akumuboosha,

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!