Isaya 48:14 - Baibo Busansulushi Bwa Libuku Ili

¹⁴ “Amuyoboloke noonse mwise mukutike! Taaku cibumbwabumbwa cakalalukaawo ayi musankwa ngondakasala inga wesa mukulwana cishi ca Babiloni. Ee, taaku wakalalukaawo ayi musankwa uyo inga wacita nceensuni ayi acite.

Isaya 48:14 ပူးပေါင်းရင်းမြစ်များ

Matalikilo 49:1

Jakobo wakeeta bana bakwe basankwa akwaamba ayi, “Amubungane pano, mulwiite ceshi cikamucitikile kunembo.

Matalikilo 49:2

“Kamwisa mubungane akukutika, nobana bakwe Jakobo. Amukutike Isilaeli ishiwanu.

Isaya 13:19

Babiloni mbulelo bubotu abuumbi apo bantu ba mumo mpobalisumpwita. Sombi nebo neMwaami Lesa ndaakunyonyoola Babiloni bweenka mbondakanyonyoola Sodoma aGomola!

Isaya 21:9

Ono anaaba baashika! Bashilumamba bobilo bobilo bali pamaaki baashika.” Mpomunyaawo shikulindilila wakaambilisha ayi, “Babiloni wawa! Ee, Babiloni wawa! Ono sunu shibumbwabumbwa shoonse nshebalambila shitoopwayoolwa.”

Isaya 41:22

Kamwisa mutulwiite sheshi shikacitike kunembo. Mwise mutulwiite kwaamba ayi tushiyeeye akwishiba ceeco ceshi cikacitike. Mwise musansulule shakacitika kale kale kunkuta alimwi akutulwiita nsheshaamba.

Isaya 43:9

Mishobo imwi yoonse aibungane beepushikwe. Ngani pakati ka balesa babo wakaambawo sheshi shikacitike kunembo? Ngani wakaambaawo ayi ishi shitoocitika bulya shilaakucitika? Abese balesa abo bape bukamboni bwabo, kwaamba ayi tubone ayi bakaamba lushinisho. Lyalo bantu bamwi banyumfwe akwaamba ayi, ‘Ncalushinisho.’ ”

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Isaya 44:7

Ino ono ngani uli mbuli ndime? Aalyaambe tunyumfwe. Aanyamuke aambilishe kunembo lyangu shacitika kuswa kuciindi ca bantu bangu bakulukulu asheesho sheshi shikacitike kunembo litoosa. Ee, aambe ceeco ceshi cikacitike kunembo.

Isaya 45:13

Ono ndasongaanya Sailasi kashanga mubululami bwangu. Ndaakululamika nshila shoonse nsheshi akanokwiinda. Ulaakuyakulula ndabala yangu inene ya Jelusalemu alimwi ulaakwaangulula bantu bangu bali mubusha. Sombi teshi akacite boobo kwaamba ayi alipilwe nabi kulambulwa.” Mwaami Lesa Shinkusu shoonse waamba.

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Maako 10:21

Lyalo Jesu wakamulangilishisha calusuno akumwaambila ayi, “Kwacaalabo cintu comwi. Koya ukoolishe shintu shoonse nshoocite. Maali ngweshi ukacaneemo, ukaabile bakandu, lyalo ulaakucana bubile kwiculu. Na umanishe kucita boobo, ndyeshi use unkonkele.”