Isaya 47:8 - Baibo Busansulushi Bwa Libuku Ili

⁸ “Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.

Isaya 47:8 ပူးပေါင်းရင်းမြစ်များ

Isaya 14:14

Ndaakutanta peculu lya makumbi akuba anga nguLesa wa kwiculu Wiindaawo.’

Isaya 32:11

Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Isaya 32:9

Mwebo nobanakashi, ee, mwebo nomushiite buumi bubotu, amunkutike. Mwebo nobalutundu nomutacite cakulisukama, amukutike makani ngooncite!

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Isaya 47:10

Wacinka manungo mububi bwako akwaamba ayi, ‘Taaku umbwene.’ Busongo buli muli ndiwe alushibo shakutola kumbi. Webo ulalisumpula mukwaamba ayi, ‘Ndimebo alimwi taaku aumwi kulekabo ndime.’

Jelemiya 49:31

“Amunyamuke mukalwane mushobo wa bantu uliibite. Toolisukami nabi comwi. Mushobo uyo toocite ndabala icite mwinjililo nabi mpingilo. Ulilishiitilebo kwakubula akwakucicila.

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Jelemiya 51:53

Nabi Babiloni akatante kwiculu akuyaka ciyubilo ciyumu uko, ndaakutuma beshikunyonyoola kuya mukumulwana. Nebo neMwaami Lesa ndaamba.”

Esekelo 16:49

“ ‘Cibiibi cakacita Sodoma mukwanu mwanakashi nceeci. Lakwe abaana bakwe banakashi wakalinga kulisumpula, kucite shakulya shiinji alimwi bakalinga kunooshiite kwakubula cakulisukama, sombi taakalinga kucafwa bakandu abataaku mbobabete.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 30:9

“Bushiku ubo bwaakushikila alimwi cishi ca Ijipiti caakunyonyoolwa, ndaakutuma beshinkombe bangu mumaato kuya mukuloondesha bene Kushi bashiite kwakubula cakulisukama kwiinda mukubalwiita ayi kunyonyooka kwabo kulaakwisa. Bushiku ubo ncakwiila bulaakwisa.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 4:22

mwebo nobaami ndimwe cisamu ico! Mwebo mwasumpuka akushimpa. Kusumpuka kwanu kwatolelela cakushikabo amwiculu mwiine alimwi bwaami bwanu bulikumenebo cishi ca panshi coonse.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Danyelo 4:4

Ndakalinga kwikalabo kabotu muŋanda yangu ya bwaami, kaandiibitebo akusangalala mukuswitilila kwangu.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Danyelo 5:30

Mashiku eenka ayo Beloshasa mwaami wa bene Babiloni wakacaikwa.

Naamu 1:10

Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Naamu 3:4

Ndabala ya Ninife itoopekwa mulandu, ndabala iyo yakalinga anga ngumwanakashi mufuule. Yakalinga anga ngumwanakashi uyo wakalinga kukondelesha bantu kukubota kwakwe alimwi wakalinga kuswite bwaanga bwa lufu. Aboobo wakayungoola mishobo iinji kwiinda mubufuule bwakwe alimwi abantu baanji kubuloshi bwakwe.

Abakuku 1:7

Mbantu baloondwa alimwi bayoosha. Ncakwiila mbantu abo balipangilabo milawo beene abwalo bulemu balalipabo beene.

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Boomboloshi 18:27

Munshila iyo bakatola shintu isho shakapanga Mika pantu pomwi amupailishi wakwe. Bantu abo bakaya mukushika kuLaishi uko kwakalinga bantu bakalinga kushiite cakuliiba. Mpeeke bakamana kubacaya akutenta ndabala yabo.

Boomboloshi 18:7

Basankwa bosanwe abo bakatolelela lweendo lwabo akuya mukushika kuLaishi. Bakacana kwaamba ayi bantu bakokulya bakalinga kwikala muluumuno alimwi kabaliibite bweenka mbuli bakuSidoni. Taaku ncebakalinga kulila, bakalinga babile. Bakalinga kwikala palaamfu abene Sidoni alimwi tebakalinga kunyumfwana abantu bamwi.