Isaya 47:4 - Baibo Busansulushi Bwa Libuku Ili

⁴ Usalalite wa bene Isilaeli ngoMupulushi wesu. Liina lyakwe nguMwaami Lesa Shinkusu shoonse.

Isaya 47:4 ပူးပေါင်းရင်းမြစ်များ

Kulumbaisha 19:14

Maswi aswa mumulomo wangu, amiyeeyo ya mumoyo wangu, shoonse shibe sheesho shimusangalasha noBaami baLesa, nomwaandami wangu alimwi noBeshikumpulusha.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 43:14

Mwaami Lesa, Mupulushi wanu Usalalite wa bene Isilaeli waamba ayi, “Ceebo canu ndaakutuma likoto lya bashilumamba kwaamba ayi bakalwane bene Babiloni. Ndaakunyonyoola minjililo ya ndabala. Lyalo ciyobeyobe cakukondwa ca bantu bekalaamo cilaakuba kulila.

Isaya 43:15

Nebo ndime Mwaami Lesa, Usalalite alimwi uyo wakamulenga nobene Isilaeli. Ncakwiila ndime Mwaami wanu.”

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 51:15

“Nebo ndime Mwaami Lesa wanu. Ndafundoola lweenge akulengesha ayi pali ndulo pabe maaba ayoosha. Nebo ndime Mwaami Lesa Shinkusu shoonse!

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Jelemiya 31:11

Ceebo nebo neMwaami Lesa ndaakulubula bamulunyungu lwakwe Jakobo. Ncakwiila ndaakubalubula kuswa kubaabo babeendaawo nkusu.

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.