Isaya 47:3 - Baibo Busansulushi Bwa Libuku Ili

³ Bantu batookubona koolibo nduno. Lyalo nsoni shitookucata cakuyanda kukupisha panshi. Ncakwiila ntooboosha cishole alimwi taaku weshi ankaashe.”

Isaya 47:3 ပူးပေါင်းရင်းမြစ်များ

Matalikilo 3:7

Ingayi bamanebo kulya, meenso abo akacaluka akubona ayi bali matakosha. Aboobo bakatunga matewu a mukuyu kwaamba ayi bafweke mibili yabo.

Isaya 20:4

mbweeke ubo mwaami wa bene Asilya ulaakutola busha bene Ijipiti abene Kushi kabali matakosha alimwi kabali myeendobo. Banike abamanene boonse balaakunooyabo amatako patuba mukulensha nsoni bene Ijipiti.

Isaya 3:17

Paceebo ceeco nebo neMwaami Lesa ndaakulengesha ayi mumitwi yabo mube shiloonda. Womwi awomwi ndaakumulengesha kuba alubala.”

Isaya 35:4

Amulwiite baabo bacatwa boowa ayi, “Amuyume, mutaloondi. Lesa wanu ulaakwisa. Ulaakwisa mukuboosha cishole, kwisa mukulambula balwani banu. Ncakwiila ulaakwisa mukumufuna.”

Jelemiya 13:22

Na mwaliipusha mumyoyo yanu ayi, “Ceebonshi shintu sha mushobo uyu shatucitikila?” Shintu ishi shamucitikila ceebo cakufula kwa shibiibi shanu. Ncecalengesha ayi shifunga shanu shikwamunwe akukumanishikwa cakukakatishikwa.

Jelemiya 13:26

Ndaakunyamununa shifunga shanu akumufwekaasho kumeenso. Lyalo ndaakumushiyabo matakosha.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Jelemiya 51:4

Balaakuwa kabayasweetwe mundabala ya Babiloni, ee, balaakufwita mumikwakwa ya njiyo.

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Esekelo 16:37

Paceebo ceeco, ntoobunganya mbowakalinga kweendaabo boonse abo mbowakalinga kusangalalilaamo, mbowakalinga kusuni abaabo mbowakalinga kupatite. Ndaakubabunganya ayi bese bakulwaane kuswa kumisena yoonse ikushingulukite akwisa mukukufuula kunembo lyabo ayi bakubonene.

Naamu 3:5

Mwaami Lesa Shinkusu shoonse waamba ayi, “Ondabala ya Ninife ndikupatite. Ndaakunyamununa shifunga shako akukufwekaasho kumeenso. Ndaakubonesha mishobo yoonse matakosha ako ansooni shako kumalelo oonse.

Bene Loma 12:19

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Ciyubululo 16:19

Ndabala inene yakapasukamo shipansha shotatwe, mpeeke mandabala anene a mushishi shoonse akanyonyooka. Lesa wakeebaluka ndabala inene ya Babiloni akulengesha ayi inwe waini wa munkomeshi ya bukali bwakwe.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!