Isaya 47:1 - Baibo Busansulushi Bwa Libuku Ili

¹ Mwaami Lesa waamba ayi, “Ondabala ya Babiloni, seluka pacuuna ca bwaami, ukale panshi. Ee, kala mulusuko kuteshi pacuuna ca bwaami. Mukutakomwa wakalinga anga ngumooye utana kukumanawo kale amusankwa. Sombi bulya teshi unoocaambwa ayi mubombubombu ulamwa anga ndiyi.

Isaya 47:1 ပူးပေါင်းရင်းမြစ်များ

Jobo 2:13

Mpeeke bakekala panshi anguwe kwanshiku shosanwe ashobilo. Taaku nabi womwi wakalinga kubandika ceebo bakabona kukomena kwa mapensho ngaakalingaamo.

Jobo 2:8

Mpeeke Jobo wakaya mukukalila kuntantaala akubwesa cikaye cakulikwanyishako shilonda.

Kulumbaisha 137:8

Ondabala ya Babiloni webo ooelete kunyonyoolwa! Ulicite coolwe uyo ukubooshesha cishole ceebo ca sheesho shoonse nshewakacitila ndiswe.

Kulumbaisha 18:27

Mulapulusha baabo balibombya, sombi mulaboosha panshi abo balisumpula.

Kulumbaisha 89:44

Mwamunyaya nkooli yakwe ya bwaami, cuuna cakwe ca bulemu mwaciwisha panshi.

Isaya 13:1

Ono ngaaya maswi aamba paBabiloni Isaya mwanaakwe Amosi ngwaakatambula kuswa kuli Lesa.

Isaya 13:13

Ndaakulengesha liculu kututuma acalo cishi ca panshi cilaakutenkaanishikwaawo pamusena wa ncico. Pabushiku ubo nebo neMwaami Lesa Shinkusu shoonse ndaakuyubulula bukali bwangu buyoosha.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Isaya 23:12

Ondabala ya Sidoni teshi ukakondweewo tubili. Ncakwiila bantu bako balyatililwa. Nabi bamwi pakati kanu balobokele kuSaipulasi, akwalo teshi bakacaneeko luumuno.

Isaya 26:5

Abo balinaamuna ulababoosha panshi. Ndabala yabo uleenyonyoola. Lilinga lya njiyo ulalikuloola cakubabo lusuko.

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Isaya 37:22

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Isaya 52:2

Amulipaampe lusuko nobene Jelusalemu, munyamuke akuya mukwikala pacuuna ca bwaami! Amwaangulule ncetani nshemwaangitwe nobene Siyoni nomuli mubusha!

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 46:11

“Kamuya kuGilyadi mukalete musamu, mwebo nobene Ijipiti Mutoobunjikabo misamu itacite ncito ceebo taaku ceshi cikamushilikeewo, sobwe.

Jelemiya 48:18

Mwebo nomwikala kuDiboni amuseluke muswe pashuuna shanu sha bulemu akwikala panshi payumu nta. Uyo weshi akanyonyoole Moabu ulaakwisa mukumulwana amwebo akunyonyoola mandabala anu acite malinga.

Jelemiya 50:1

Pacishi ca Babiloni abantu bekalaamo, Mwaami Lesa wakaamba maswi aya kwiinda muli ndime neJelemiya ayi,

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 51:1

Mwaami Lesa waamba ayi, “Amubone, ndaakusonkomona mushimu wakwe shikunyonyoola uyo weshi akalwane cishi ca Babiloni abantu ba ncico.

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Jelemiya 51:51

Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Malilo 2:21

Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.

Malilo 4:5

Bantu abo bakalinga kulya shibotu, batalika kufwa nsala mumikwakwa. Bantu bakalinga kufwala shakufwala shamakwebo, sunu baloonabo mumilota kuntantaala.

Esekelo 26:16

Lyalo bamaami bali kuloombe lwa lweenge balaakuswa pashuuna shabo sha bwaami, bakafuule mingaanjo yabo ashakufwala shabo shakatungwa shakubotesha. Balaakwikala panshi kabaloondete alimwi kabatutuma cakutacilekaawo ceebo ca mapensho ako.

Esekelo 28:17

Wakaba shikulisumpula ceebo ca bubotu bwako alimwi wakalengesha busongo kumana ncito ceebo ca bulemu bwako. Aboobo ndakakusowela pacishi ca panshi akukulengesha kuba cakucenjesheshaako bamaami bamwi.

Jona 3:6

Mwaami wa kuNinife ndyaakanyumfwa cikani ici, wakanyamuka pacuuna cakwe cabwaami, wafuula cakufwala cabwaami, walifweka masaka alimwi akwikala mumilota.

Agayi 2:22

Ndaakunyonyoola bamaami amalelo a bakunsengwe akumanisha nkusu sha ngawo. Ndaakusandamuna shikoci shabo abaabo beshikusheensha. Maaki abo alaakumana kufwa abalo abeshikwaatanta balaakucayana beene abeene.”

Sekaliya 2:7

Kamwisa nobene Siyoni. Amulobokeeko kuswa kucishi ca Babiloni!

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’