Isaya 45:7 - Baibo Busansulushi Bwa Libuku Ili

⁷ Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Isaya 45:7 ပူးပေါင်းရင်းမြစ်များ

2 Baami 19:25

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

Jobo 10:13

kakuli shoonse ishi mwakalinga mwashishisa mumoyo wanu. Ono sunu ndindeshiba ayi wakalinga ngomuyeeyo wanu.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Kulumbaisha 105:28

Wakaleta munshinshe pali mbabo akubalubya. Nakubi boobo bene Ijipiti tabakwe kucita kweelana amaswi akwe.

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Kulumbaisha 74:16

Ndimwe mwakalenga malumwi amashiku Mwakabika lisuba amweenshi pamusena wa nshisho.

Kulumbaisha 75:7

Sombi nguLesa woombolosha, ulapa mulandu umwi akwaangulula umwi.

Kulumbaisha 8:3

Ndimbona mwiculu umo momwakalenga, mweenshi anyenyeenshi nshimwakabika mumisena,

Kulonga 14:20

pakati ka bene Ijipiti alimwi abene Isilaeli. Lyalo likumbi lyakalengesha munshinshe kubene Ijipiti, sombi lyakapa mumuni kubene Isilaeli. Aboobo bashilumamba ba makoto obilo ayo bakaalilwa kukumana mashiku oonse.

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 47:11

Ono mapensho alaakwisa pali ndiwe alimwi bwaanga bwako teshi bukaamaneewo. Ncakwiila shinkunka shilaakukulokela cakwaamba ayi kulaakubula weshi akakulubuleeko. Malwesa ayo webo ngootana kubonaawo alaakukupolela cakutaeengashila.

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Jelemiya 51:20

Mwaami Lesa waamba ayi, “Babiloni uli nsando yangu, ee, uli cakulwanisha cangu. Ndaakusebensesha kupwayooshako mishobo ya bantu akunyonyoola malelo abo.

Malilo 3:38

Sa te nguLesa Wiindaawo wakwiculu ulengesha mapensho ashintu shibotu kucitika.

Esekelo 32:8

Ndaakushimya mimuni yoonse ya mwiculu, akuleta munshinshe mucishi cako. Nebo neMwaami Lesa Shinkusu shoonse ndaamba.

Danyelo 2:22

Ulayubulwita shintu shishisitwe. Ulishi shintu shoonse shili mumunshinshe, alimwi lakwe ulekala mumumuni.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Amosi 5:6

Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Milimo ya Batumwi 4:28

Bakabungana pantu pomwi kwaamba ayi bacite shoonse isho mwebo nshemwakalinga kubambite kale kwiinda munkusu shanu alimwi akuyanda kwanu.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.