Isaya 45:14 - Baibo Busansulushi Bwa Libuku Ili

¹⁴ Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 45:14 ပူးပေါင်းရင်းမြစ်များ

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

2 Samwelo 21:20

Lyalo kwakabuka aimwi kuGati uko kwakalinga musankwa upolomene musembela kulwana. Musankwa uyo wakalinga kucite minwe yosanwe awomwi kulyaansa lyomwi lyomwi, tukumo tosanwe akomwi kucimpanta comwi comwi.

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Jobo 1:15

Mpeeke bene Sabeya besa mukushiipa shoonse. Bacaya basebenshi banu boonse akushiyoobo ndime. Ndime ndacicabo akwisa mukumulwiita shacitika.”

Jobo 11:19

Taaku mulwani weshi akanookukonga, alimwi baanji balaakunoosenga ayi ubacaafwe.

Kulumbaisha 149:6

Milomo yabo ayilumbaishe Lesa. Abamulumbaishe kabacite mipeeni ikolete koonse koonse mumaansaabo

Kulumbaisha 149:8

Abaange bamaami babo ancetani. Abaange bamatanjilili babo munshimbi.

Kulonga 11:8

Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Isaya 10:33

Amubone, Mwaami Lesa, ee, Mwaami Lesa Shinkusu shoonse ulaakubatema akubalosha anga ngumusampi wa cisamu watemwa. Ncakwiila abo balisumpula, abo balinaamuna ulaakubatema akubaboosha panshi.

Isaya 18:1

Mapensho kubantu bekala kucishi cilila mapepe muya milonga, ee, bekala muya milonga ya mucishi ca Kushi.

Isaya 18:7

Paciindi ico shipo shilaakuletwa kuMwaami Lesa kuswa kubantu balaamfu, bateshimite shikanda alimwi bantu baloondwa cishi coonse. Ee, kuswa kumushobo ucite beshinkusu, ncakwiila kuswa kucishi cibaanishitwe amilonga. Bantu abo balaakwisa kuKalundu ka Siyoni uko Mwaami Lesa Shinkusu shoonse nkwaalambililwa.

Isaya 19:21

Mwaami Lesa ulaakuliyubulula kubene Ijipiti. Balaakumutambula akutalika kumulambila. Balaakunoobenga milambu akuleta shipo kuli nguwe alimwi balaakunooshomesha cakulumbila kuli nguwe akucita kweelana ambweshi bakanooshomesha.

Isaya 19:22

Ee, Mwaami Lesa ulaakutuma mwaalu pabene Ijipiti. Baakwaana, ulaakubashilika. Balaakusandukila kuli nguwe alakwe ulaakukumbula kusenga kwabo akubashilika.

Isaya 23:18

Maali ngweshi bakanoocana balaakwaabika mumaansa a Mwaami Lesa. Ncakwiila teshi bakanoosunga beene, sombi abo beshi bakanoosebensela Mwaami Lesa mbweshi bakanokwaasebensesha kukuula shakulya ashakufwala shabo.

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Isaya 45:24

“Mukwaamba liina lyangu balaakunokwaamba ayi, ‘MuMwaami Lesa mweenkabo, momuli bululami alimwi ankusu.’ ” Boonse abo bandwana balaakwisa kuli ndime akulenshekwa nsoni.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 54:3

Nyinsa kumbasu shoonse ncakwiila ulaakushisenya. Bantu bako balaakubwesa cishi ico cili mumaansa a mishobo imwi bulya. Ee, mandabala anene ayo alinga mumatongo alaakusula bantu alimwi.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 60:3

Mishobo iinji ilaakukwelwa kwisa kumumuni wako, bamaami balaakwisa kucitubilishi ca kuca kwa bushiku bwako bupya.

Isaya 61:9

Bamulunyungu lwakwe balaakunooshibikitwe pakati ka mishobo imwi, ee, bana babo balaakunooshibikitwe pakati ka baswamashi. Boonse beshi bakanoobabona balaakunoosumina ayi ncakwiila aba mbantu Mwaami Lesa mbwaakapa coolwe.”

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Esekelo 23:42

Lyalo kwakalinga kunyumfwika coongo ca likoto lya bantu batacite cakulisukama nabi comwi, bacakolwa, abo bakalinga kwiitwa kuswa muluyanga pantu pomwi abasankwa bamwi. Basankwa abo bakalinga kufwalika banakashi abo makosa kumaansa amishini ibotu kumitwi.

Esekelo 31:3

Webo uli anga ncisamu ca sida ca kuLebanoni ico cakalinga kucite misampi ibotu yakalinga kupa cimfule cinene pamusaansa woonse. Cakalinga cilaamfu abuumbi kuya mukushika amumakumbi.

Jowelo 3:8

Ndaakuulisha bana banu basankwa abanakashi kubene Juda. Lyalo abalo balaakuboolisha kubene Sabeya mushobo uli kulaale. Nebo neMwaami Lesa ndaamba.

Shakubelenga 13:32

Paceebo ceeci bakalinga kwaamba makani akubeca kubene Isilaeli apacishi ico ncebakaya mukubona. Bakaamba ayi, “Mucishi ico tamuswi ashakulya shikwana bantu abo bekalaamo. Muntu uli woonse ngotwakabona wakalinga mulaamfu abuumbi,

1 Bene Kolinto 14:25

Miyeeyo yakwe yoonse ya bushishi ilaakuletwa patuba alimwi ulaakufukama akalambile Lesa, akusumina patuba ayi ndushinisho Lesa mpwaali pakati kanu!

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.