Isaya 42:8 - Baibo Busansulushi Bwa Libuku Ili

⁸ “Nebo ndime Mwaami Lesa, ee, ili ndyeliina lyangu. Nshipi bulemu bwangu kuumwi, kulumbaisha kweelete ndime, nshikulekeli shibumbwabumbwa.

Isaya 42:8 ပူးပေါင်းရင်းမြစ်များ

Kulumbaisha 66:2

Amwiimbe nyimbo shisumpula liina lyakwe lya bulemu. Amumupe bulemu akumulumbaisha.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulonga 34:14

“Tamweelete kulambila lesa umwi, ceebo nebo neMwaami Lesa, ndishibusuba.

Kulonga 4:5

Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

Isaya 43:11

“Nebo, ee, nebo neenka ndime Mwaami Lesa, kwisule lyangu taaku aumwi mupulushi.

Isaya 43:3

Ceebo nebo ndime Mwaami Lesa wanu, ee, Usalalite wa bene Isilaeli uyo umupulusha. Ndaakubenga Ijipiti mukumulubula. Ndaakubenga Kushi aSeba mumusena wanu.

Isaya 48:11

Ono coonse nceentoocita, ntoocicita ceebo ca bulemu bwa liina lyangu. Teshi nkalekelele liina lyangu kumana bulemu nabi kuleka umwi uli woonse ayi alemekwe mbuli ndime. Bulemu ubo bulyeeletebo ndime neenka.”

Isaya 48:5

Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’

Isaya 48:6

“Shintu shoonse ishi mwakashinyumfwaawo kale, bulya mulyeeletebo kusumina ayi ndakaamba lushinisho. Kuswa sunu ndaakumulwiita shintu shimwi shipya, ee, shintu shishisitwe isho nshemutana kunyumfwaawo kale.

Jelemiya 33:2

Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,

Danyelo 5:4

Ndibakalinga kunwa waini bakalinga kulumbaisha balesa ba golodi, ba silifa, ba bulonse, ba nshimbi, ba shisamu alimwi aba mabwe.

Joni 5:23

kwaamba ayi bantu boonse balemeke Mwaana mbobalemeka baIshi. Uyo woonse utalemeki Mwaana taalemeki abaIshi abo bakamutuma.

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

Dutolonomi 28:58

“Na mubule kukonkela kabotu maswi a Milawo alembetwe mulibuku ili akutalemeka liina licite bulemu alimwi liyoosha lya Mwaami Lesa, Lesa wanu,