Isaya 42:3 - Baibo Busansulushi Bwa Libuku Ili

³ Teshi akatyole litete lisendeme kale, nabi kushimya lilampi litooyanda kushimika. Ulaakuleta bululami ubo cakushomeka.

Isaya 42:3 ပူးပေါင်းရင်းမြစ်များ

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 54:5

NobaLesa bubi abuboolele baabo batooncaya liina. Amubanyonyoole kwiinda mukushomeka kwanu.

Kulumbaisha 94:15

Bululami bulaakucanika munkuta alimwi. Baluleme boonse balaakubukonkela.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 42:2

Teshi akapikishe nabi koolobesha, nabi kuya bwaambilisha mumashila.

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 50:4

Mwaami Lesa wanjiisha bwakwaamba kwaamba ayi nooyumyayumya balefukite. Kulila bwaca ulansengusha kumoyo kwaamba ayi nsunishe kunyumfwila nsheshi anjiishe.

Isaya 63:1

Anu ngani uyu utooswa kuEdomu ee, utooswa muBosila ashakufwala shisalala? Anu ngani uyu ufwete shakufwala shabulemu utoosa citankaila munkusu shakwe shinene? “Ndime nentokwaamba mubululami ee, nebo neencite nkusu shakupulusha.”

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 31:25

Ndaakubooshamo nkusu sha baabo balemete akupa shakulya batoowisooka kunsala.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Mateyo 12:20

Teshi akatyole litete lisendeme kale, nabi kushimya lilampi litooyanda kushimika. Ulaakufwita nkumbu bantu kushikila bululami bwakwe bukakome.

Joni 20:27

Lyalo wakaambila Tomasi ayi, “Njisha munwe wako apa alimwi ubone amaansaangu. Fungulula lyaansa lyako unjishe kumbafu shangu. Ono cileke kutonsha, ushome.”

Joni 5:30

“Nebo taaku nceenga ndaciita palwaangu nemwiine. Ndoombolosha bweenka Lesa mbwaandwiita. Aboobo koombolosha kwangu kuliluleme mukwiinga nshikakatili kucita nsheensuni, sombi shiyanda wooyo wakantuma.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.