Isaya 42:22 - Baibo Busansulushi Bwa Libuku Ili

²² Sombi aba mbantu bakasaalwa akunyaikwa shintu shoonse. Ncakwiila bamwi bakacatishikwa mushilindi, ee, bamwi boonse balishisitwe muntolongo. Baba shintu shakubwesabo kwakubula ubafunaako. Ee, baba shintu shakusaalabo kwakubula awaamba ayi, “Amubabooshe.”

Isaya 42:22 ပူးပေါင်းရင်းမြစ်များ

Kulumbaisha 102:20

Wakanyumfwa kutongela kwa bakaili, Wakaangulula baabo bakapekwa milandu yakucaikwa.”

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 14:17

Sa te ngowooyu wakalengesha cishi ca panshi kuba luyanga akukoma mandabala anene akalinga mumo? Sa te ngooulya watakalinga kwaangulula basha mbwaakalinga kucata ayi baboole kumishaabo?’

Isaya 18:2

Kuswa kucishi ico kulatumwa bashinkombe mumaato a matete paMulonga wa Nailo. Ono amuboolele mwebo nobeshinkombe beenda cakufwambaana! Amutole nkombe kubantu balaamfu, bateshimite shikanda alimwi bantu baloondwa cishi coonse. Ee, kumushobo ucite beshinkusu, ncakwiila kucishi cibaanishitwe amilonga.

Isaya 24:18

Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Isaya 24:22

Bamaami abo balaakubunjikwa mucilindi anga mbakaili muntolongo. Balaakucalilwa muntolongo akupekwa mulandu paakwiinda nshiku shiinji.

Isaya 24:3

Ncakwiila cishi coonse ulaakucinyonyoola cakumaninina akucisandula luyanga. Mwaami Lesa waamba.

Isaya 36:1

Mumwaaka walikumi amyaaka yone wa bwaami bwakwe Esekiya, Senakelibu mwaami wa bene Asilya, wakaya mukulwana mandabala anene akalinga kucite malinga a bene Juda akwaakoma.

Isaya 42:23

Ngani pakati kanu weshi akakutike maswi aya? Ee, ngani weshi akakutike kunembo litoosa?

Isaya 42:7

Ndakusala kwaamba ayi ulengeshe boofu kubona, kwaangulula bakaili bali muntolongo alimwi akukusha baabo bali mumunshinshe.

Isaya 45:13

Ono ndasongaanya Sailasi kashanga mubululami bwangu. Ndaakululamika nshila shoonse nsheshi akanokwiinda. Ulaakuyakulula ndabala yangu inene ya Jelusalemu alimwi ulaakwaangulula bantu bangu bali mubusha. Sombi teshi akacite boobo kwaamba ayi alipilwe nabi kulambulwa.” Mwaami Lesa Shinkusu shoonse waamba.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Isaya 56:9

Mwaami Lesa waambila baswamashi ayi, “Mwebo noonse nobanyama bamuluundu, ee, mwebo noonse nobanyama bamumusaansa! Kamwisa mucate bantu aba akubakwamoona.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 52:31

Mumwaaka Efilu Melodaki ndyaakaba mwaami wa bene Babiloni, wakanyumfwila nkumbu Jeoiyakini mwaami wa bene Juda akumwaangulula kuswa muntolongo. Ici cakacitika pabushiku bwa makumi obilo anshiiku shosanwe mumweenshi walikumi amyeenshi yobilo wa mwaaka wamakumi otatwe amyaaka yosanwe ayobilo kuswa ciindi Jeoiyakini ndyaakatolwa busha.