Isaya 42:16 - Baibo Busansulushi Bwa Libuku Ili

¹⁶ “Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 42:16 ပူးပေါင်းရင်းမြစ်များ

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.

Shikushimikila 1:15

Cintu cikonkomene tacikoonshi koololwa. Shintu shitapo tashikoonshi kubelengwa.

Shikushimikila 7:13

Koyeeya isho shakacita Lesa. Ngani weenga woolola cintu ncaakakonkomeka kale?

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Isaya 29:18

Lyalo pabushiku ubo bashinkite matwi balaakunyumfwa maswi ali mulibuku. Abalo boofu balinga kwikalabo mumunshinshe, balaakulasha akubona.

Isaya 29:24

Paciindi ico baluya balaakuba amaano, abalo abo beshikunootongookabo balaakusumina kwiishikwa.”

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Isaya 32:3

Lyalo meenso a baabo balasha teshi akanoobula kubona. Ncakwiila matwi a baabo banyumfwa teshi akanooshinkite.

Isaya 35:5

Lyalo boofu balaakubona abalo bashinkite matwi balaakunyumfwa.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 40:4

Misena yoonse ikuneme ilaakutuntuka. Tulundu toonse tulaakweelanishikwa ashuulu shoonse shilaakumwayoolwa cakucaalabo anga muliwesa. Misena ya mankununkunu ilaakweelana.

Isaya 41:17

“Bakandu abaabo bataaku mbobabete balalangoola maanshi, ono tabaacaani. Panshingo shabo payuma kunyotwa. Sombi nebo neMwaami Lesa ndaakukumbula kusenga kwabo. Ndushinisho nebo neMwaami Lesa teshi nkabafutatileewo.

Isaya 41:3

Ulabakonkela mukuya cibatandaanya kwakubula acakulisukama. Uleenda mumashila ayo ngwaatana kwiindaamo kale.

Isaya 45:2

Ndaakutanjila kunembo lyako akukumwailako tulundulundu ayi peelane. Ndaakupwayoola shisasa sha bulonse sha kuminjililo akunyonyoola mingwala ya nshimbi ya kushisasa.

Isaya 45:7

Ndalengesha mumuni kubaako nabi munshinshe. Ndime mpa shoolwe alimwi ndime mpa mapensho. Ee, nebo neenka neMwaami Lesa ndime ncita shintu shoonse ishi.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Isaya 52:12

Sombi teshi mukasweemo cakwiingana nabi cakunoonyumfwite boowa ceebo Mwaami Lesa ngweshi akanooli kunembo lyanu. Mwaami Lesa eenka ngweshi akanoomutabilila kwisule.

Isaya 54:13

“Nebo nemwiine ndaakwiisha bantu bako, kubalengesha kuswitilila alimwi akubapa luumuno.

Isaya 58:10

alimwi na beshinsala mwebo mukabapengele akucita shoonse shilila baabo balyatililwa. Lyalo mumuni wanu ulaakuboneka mumunshinshe. Awalo munshinshe wanu ulaakutubabo anga ngamalumwi lisuba ndyeliba pakati ka mutwi.

Isaya 62:12

Bantu bakwe balaakunokwiitwa ayi, “Bantu basalalite, Bakalubulwa ba Mwaami Lesa.” Lyalo webo Jelusalemu ulaakunokwiitwa ayi, “Uyo Wakayandoolwa.” Teshi ukeetwewo tubili ayi, “Ndabala yakacaala cisuukila.”

Esekelo 14:23

Ulaakusumina waakubona mibo amicito yabo ibiibi ceebo cakwishiba kwaamba ayi anu nshikwe kubafumbukabo pakubapa mulandu. Nebo neMwaami Lesa Shinkusu shoonse ndaamba.”

Osiya 2:14

“Paceebo ceeco ndaakubatola muluyanga alimwi. Umo ndaakubanyengelela amaswi abotu a lusuno kwaamba ayi mbabooshe kumubili.

Osiya 2:6

“Paceebo ceeco nebo neMwaami Lesa ndaakushinka nshila yabo amyuumfwa. Ee, ndaakuyaka lubumbu kushinka nshila yabo.

Amosi 5:8

Mwaami Lesa ngowakalenga nyenyeenshi shiitwa ayi Puleiyadesi alimwi aOlyoni. Ulasandula mashiku kuba malumwi alimwi ulasandula malumwi kuba mashiku. Uleeta maanshi a mulweenge akwaaloshesha pacishi ca panshi. Liina lyakwe nguMwaami Lesa.

Luka 3:5

Misena yoonse ikuneme ilaakufukilwa alimwi tulundu ashuulu shoonse shilaakweelanishikwa. Nshila shipetookitepetookite shilaakululamikwa. Asheesho shoonse shicite mankununkunu shilaakweelanishikwa.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Joshuwa 3:4

Mukwiinga mwebo tamuna kwisako kale kuno, balo batoomubonesha nshila. Sombi tamweelete kusena bunene pafwaafwi aLibokoshi lya Cipangano. Mulyeelete kucaalila amushinso ulaampa kilomita yomwi.”

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.