Isaya 42:10 - Baibo Busansulushi Bwa Libuku Ili

¹⁰ Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Isaya 42:10 ပူးပေါင်းရင်းမြစ်များ

1 Makani 16:32

Lweenge aluwoote pantu pomwi ashintu shoonse shiliimo! Myuunda ashoonse shiliimo ashisangalale!

Kulumbaisha 150:6

Amulumbaishe Mwaami Lesa noshilengwa shiyoya shoonse! Amulumbaishe Mwaami Lesa!

Kulumbaisha 33:3

Amumwiimbile lwiimbo lupya, kulisha cabuuya pakalumbu ako, alimwi akoolobesha cakusangalala.

Kulumbaisha 40:3

Wakanjiisha lwiimbo lupya, lwiimbo lwakulumba Lesa wesu. Bantu baanji baakubona boobo balaakulemeka akucinka manungo muMwaami Lesa.

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Kulumbaisha 96:11

Liculu acishi ca panshi ashisangalale! Alwalo lweenge aluwoote pantu pomwi ashintu shoonse shiliimo!

Kulumbaisha 97:1

Mwaami Lesa ngoolela, aboobo nobamucishi ca panshi amukondwe. Amwebo nomwikala pansumbu sha palweenge amusangalale.

Kulonga 15:1

Lyalo Mose alimwi abene Isilaeli boonse bakeembila Mwaami Lesa lwiimbo ulu, “Ntokwiimbila Mwaami Lesa mukwiinga wakoma cabulemu. Wawaala maaki alimwi abalinga kutantiteewo mulweenge.

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 12:5

Amwiimbile Mwaami Lesa ceebo wacita shintu shabulemu. Cikani ici acishibikwe mucishi coonse ca panshi.

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 51:5

Nebo ntoosa cakufwambaana ciindi cangu cakubapulusha cili pafwaafwi. Nebo nemwiine ndime eshi nkabe mwaami wa mishobo ya bantu boonse. Bantu bekala mushishi shakulaale batoolangila kwisa kwangu. Ndushinisho batoolindila ndime ayi mbapulushe.

Isaya 60:6

Matanga angamela alaakususha cishi canu, ngamela shiniininiini sha kuMidyani akuEfa. Boonse ba kuSheba balaakwisa, balaakunoosa agolodi alimwi atununkila kabotu pakutenta. Nebo neMwaami Lesa, bantu abo balaakunumba amaswi apeculu.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Ciyubululo 14:3

Bantu aba bali 144,000 bakeemikana kunembo lya cuuna ca bwaami cakwe Lesa, shilengwa shuumi isho shone alimwi alya bamaloba. Bantu aba bakalinga kwiimba lwiimbo lupya, ulo lutacite aumwi wakalinga kukonsha kulwiiya alimwi mbobakapulushikwa mucishi ca panshi.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.