Isaya 41:29 - Baibo Busansulushi Bwa Libuku Ili

²⁹ Balesa boonse aba mbakubeca. Taaku ncebakonsha kucita nabi comwi. Shibumbwabumbwa taaku mboshibete, ngumuuwobo.”

Isaya 41:29 ပူးပေါင်းရင်းမြစ်များ

Kulumbaisha 96:5

Balesa ba mishobo imwi yoonse nshibumbwabumbwabo, sombi Mwaami Lesa ngowakalenga liculu.

Isaya 17:8

Teshi bakaciinke manungo mushipaililo isho nshebakayaka amaansaabo. Ncakwiila teshi bakaciinke manungo mushikoshanyo shakwe Ashela lesa wabo mwanakashi, nabi mushipaililo sha tununkila kabotu nshebakayaka amaansaabo.

Isaya 2:8

Cishi cabo ciliswitebo shibumbwabumbwa. Balalambila shintu nshebakalipangila amaansaabo beene.

Isaya 37:19

Bakatenta balesa babo boonse mukwiinga tebakalinga balesa bancinencine. Sombi bakalinga nshisamu shakabeswa amabwe akabeswa amaansa a bantu.

Isaya 41:24

Sombi mwebo taaku mbomubete ayalo micito yanu taaku mbweebete. Ncakwiila abalo bamulambila balalensha abunya.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 5:13

Balaluki taaku mbobabetewo ngumuuwobo ceebo maswi a Mwaami Lesa taamo muli mbabo. Anu isho nshebaamba ashicitikile mbabo.”

Abakuku 2:18

Anu cibumbwabumbwa cilicite mpindunshi? Sa te ncintubo ico muntu ncaakapanga? Taaku nceenga muntu wacanaako kulekabo bubeshi. Ino nimpindunshi uyo wakacipanga njeenga wacanaako mukucinka manungo muli ncico? Amubone, cibumbwabumbwa ico tacikoonshi kwaamba!

Sekaliya 10:2

Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.

Boomboloshi 18:17

Paciindi ico balo beshikusensa bosanwe balya bakenjila akubwesa cibumbwabumbwa cakubesa cakananikwa silifa, shibumbwabumbwa shimwi alimwi aefodi. Muciindi ico mupailishi wakalinga kwiimfwi kumwinjililo abashilumamba bali 600 abo bakalinga kupakete shakulwanisha.

1 Samwelo 12:21

Mutakonkeli shibumbwabumbwa shitacite mpindu. Tashikoonshi kumucafwa nabi kumufuna mukwiinga taaku mboshibete.