Isaya 41:26 - Baibo Busansulushi Bwa Libuku Ili

²⁶ Ono ngani pali ndimwe nobalesa wakalaluka kucitika kwa shintu ishi, kwaamba ayi tumwaambile ayi wakaamba calushinisho? Ncakwiila taaku nabi womwi pakati kanu wakaambaawo nabibo liswi pali ncico. Taaku wakamunyumfwaawo kaamba pacikani ici!

Isaya 41:26 ပူးပေါင်းရင်းမြစ်များ

Isaya 41:22

Kamwisa mutulwiite sheshi shikacitike kunembo. Mwise mutulwiite kwaamba ayi tushiyeeye akwishiba ceeco ceshi cikacitike. Mwise musansulule shakacitika kale kale kunkuta alimwi akutulwiita nsheshaamba.

Isaya 41:4

Ino ono ngani wakacita shintu shoonse ishi? Ngani wakayeeya kucita boobo kuswa kumatalikilo? Ndimeeke neMwaami Lesa. Kumatalikilo ndakalingaako akwalo kumeelelesho ndaakubaako.”

Isaya 43:9

Mishobo imwi yoonse aibungane beepushikwe. Ngani pakati ka balesa babo wakaambawo sheshi shikacitike kunembo? Ngani wakaambaawo ayi ishi shitoocitika bulya shilaakucitika? Abese balesa abo bape bukamboni bwabo, kwaamba ayi tubone ayi bakaamba lushinisho. Lyalo bantu bamwi banyumfwe akwaamba ayi, ‘Ncalushinisho.’ ”

Isaya 44:7

Ino ono ngani uli mbuli ndime? Aalyaambe tunyumfwe. Aanyamuke aambilishe kunembo lyangu shacitika kuswa kuciindi ca bantu bangu bakulukulu asheesho sheshi shikacitike kunembo litoosa. Ee, aambe ceeco ceshi cikacitike kunembo.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.