Isaya 41:22 - Baibo Busansulushi Bwa Libuku Ili

²² Kamwisa mutulwiite sheshi shikacitike kunembo. Mwise mutulwiite kwaamba ayi tushiyeeye akwishiba ceeco ceshi cikacitike. Mwise musansulule shakacitika kale kale kunkuta alimwi akutulwiita nsheshaamba.

Isaya 41:22 ပူးပေါင်းရင်းမြစ်များ

Isaya 41:26

Ono ngani pali ndimwe nobalesa wakalaluka kucitika kwa shintu ishi, kwaamba ayi tumwaambile ayi wakaamba calushinisho? Ncakwiila taaku nabi womwi pakati kanu wakaambaawo nabibo liswi pali ncico. Taaku wakamunyumfwaawo kaamba pacikani ici!

Isaya 42:9

Amubone, shoonse shakaambwa kucitika kale kale, shacitika cancinencine. Bulya ntoomulwiita shintu shimwi shipya kashitana kutalika kucitika.”

Isaya 44:7

Ino ono ngani uli mbuli ndime? Aalyaambe tunyumfwe. Aanyamuke aambilishe kunembo lyangu shacitika kuswa kuciindi ca bantu bangu bakulukulu asheesho sheshi shikacitike kunembo litoosa. Ee, aambe ceeco ceshi cikacitike kunembo.

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Isaya 48:14

“Amuyoboloke noonse mwise mukutike! Taaku cibumbwabumbwa cakalalukaawo ayi musankwa ngondakasala inga wesa mukulwana cishi ca Babiloni. Ee, taaku wakalalukaawo ayi musankwa uyo inga wacita nceensuni ayi acite.

Isaya 48:3

Mwaami Lesa waambila bene Isilaeli ayi, “Ndakaambilila limwi kale kale sheshi shikacitike. Lyalo ndakashilengesha kucitika cakutashiingashila.

Joni 13:19

Ndamulwiitila limwi ici kacitana kucitika kwaamba ayi caakucitika mukashome kwaamba ayi, ‘Ndime wooyo ngoombete!’

Joni 16:14

Ulaakundetela bulemu mukwiinga ulaakubwesa maswi angu akumusansulwita.