Isaya 41:18 - Baibo Busansulushi Bwa Libuku Ili

¹⁸ Ndaakulengesha mulonga kukunka pakati ka tulundu tutacitewo shisamu. Tuntupu tulaakunookunka maanshi kuya mushinyika. Ndaakulengesha luyanga kuba amashiba mashiba a maanshi. Mulunjumwa mulaakusulabo tuntupu twa maanshi.

Isaya 41:18 ပူးပေါင်းရင်းမြစ်များ

Kulumbaisha 104:10

Mulalengesha tuntupu kukusha maanshi ayo akunkila mushinyika. Mulalengesha milonga kukunkila pakati ka tulundu.

Kulumbaisha 105:41

Wakacalula mwaandami, lyalo maanshi akaswa. Akakunka anga ngumulonga kuya muluyanga.

Kulumbaisha 107:35

Wakasandula luyanga kuba shishiba sha maanshi, acishi ciyumu kuba atuntupu twa maanshi.

Kulumbaisha 126:4

Nobaami baLesa amutulengeshe kuswitilila alimwi bweenka mfula mboileta maanshi mutulonga twa muluyanga.

Kulumbaisha 46:4

Nkooli mulonga uleta shoolwe mundabala inene yakwe Lesa. Ee, mumusena usalalite umo mwikala Lesa wa kwiculu Wiindaawo.

Isaya 12:3

Cakusangalala mulaakunoonwa maanshi, kuswa mumikalo ileta lupulusho.

Isaya 30:25

Ono bushiku balwani banu baakucaikwa, maandaabo alaamfu a beshikulindila aakuwa, tulonga tulaakukunka kuswa mutulundu toonse, tunene atuniini.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 33:21

Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Isaya 35:1

Luyanga lulaakusangalala alyalo liwesa lilaakusangalala akusapula maluba.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 48:21

Mwaami Lesa ndyaakatanjilila bantu bakwe kwiinda muluyanga, tabakwe kupengawo kunyotwa. Wakalengesha maanshi kukunka kuswa mumwaandami. Ncakwiila wakapasula mwaandami akulengesha maanshi kukunka.

Isaya 58:11

Nebo neMwaami Lesa ndaakunoomutanjilila lyoonse. Ndaakunoomupa shoonse shiyandika mubuumi bwanu mucishi ici cibalilwabo lumwi. Ndaakunoomupa nkusu abuumi bubotu. Mulaakubabo anga ngumuunda utililwa kabotu, nabi kantupu katamani maanshi.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Jowelo 3:18

Paciindi ico tulundu tulaakuba amyuunda ya minyansa. Ŋombe shilaakwisula mutulundu tuniini toonse. Tulonga toonse twa muJuda tulaakunokunka maanshi. Kalonga kalaakunookunka kuswa kuŊanda yakwe Lesa akutola maanshi muCinyika ca Shitimu.

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”

Boomboloshi 15:19

Mpomunyaawo Mwaami Lesa wakatulula kalyaango panshi kuLeyi kwaamba ayi maanshi aswe. Samusoni wakanwa, aboobo nkusu shakesa alimwi wakayuma. Kantupu ako kakatumbwa ayi Eni Aakole nkokwaamba ayi Kantupu ka wooyo wiita. Abobulya nkokacili kuLeyi.