Isaya 41:13 - Baibo Busansulushi Bwa Libuku Ili

¹³ Ceebo nebo ndime Mwaami Lesa, Lesa wanu. Ndime wooyo umucatilila pamaansa anu alulyo akumwaambila ayi, ‘Mutaloondi, ndaakumucafwa.’ ”

Isaya 41:13 ပူးပေါင်းရင်းမြစ်များ

Kulumbaisha 109:31

Ceebo uleemikana kulyaansa lyalulyo lwa mukandu ayi amumfuune. Ee, ulamufuna kuli baabo bamupa mulandu wakucaikwa.

Kulumbaisha 118:7

Mwaami Lesa uli anebo, ngooncafwa, aboobo ndaakusekelela kukoma pabalwani bangu.

Kulumbaisha 63:8

Ceebo ndakakatila kuli ndimwe, lyaansa lyanu lya nkusu lilandama akukusha kulisukama pali ndime.

Kulumbaisha 73:23

Nakubi boobo ndaba amwebo lyoonsebo. Mwebo mulancata kulyaansa lyalulyo.

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 42:6

“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Isaya 45:1

Ono Mwaami Lesa waambila Sailasi uyo ngwaakasala ayi, “Ndakucatilila palyaansa lyalulyo kwaamba ayi ukome mishobo ya bantu akufuula bamaami bulemu bwabo. Ndaakukucalwita shisasa sha kuminjililo ya mandabala anene kwaamba ayi ikanoolibo bwaashi.

Isaya 51:18

Ono kwabula nabi womwi pabana banu wakumutanjilila. Ncakwiila pabaana boonse mbomwakalela tekwakalinga nabi womwi wakamucatililaako palyaansa.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 46:27

“Mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Agayi 2:5

Mutaloondi mukwiinga Mushimu wangu uli andimwe bweenka mbondakamushomesha ndindakamukusha mucishi ca Ijipiti. Nebo neMwaami Lesa Shinkusu shoonse ndaamba.’

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.