Isaya 40:7 - Baibo Busansulushi Bwa Libuku Ili

⁷ Bwiisu bulayuma aalo maluba alaloka, ceebo muuwo wa Mwaami Lesa washipuupila. Ndushinisho buumi bwa bantu bulibo anga mbwa bwiisu.

Isaya 40:7 ပူးပေါင်းရင်းမြစ်များ

Jobo 14:2

Ulakula anga ndiluba linefuma kwaciindi ciniini akunyana. Ee, buumi bwakwe bulibo anga ncimfule ico cishiminganashiminganabo.

Jobo 4:9

Lesa ulabanyonyoola anga ncipuupu cinene ncakwiila bukali bwakwe bulabalobya.

Jobo 41:21

Muuya wakwe ulakonsha kunyasha mulilo pamalasha. Mukanwa mwakwe mulaswa mibengebenge ya mulilo.

Kulumbaisha 102:4

Moyo wangu wapya anga mbwiisu buyumu. Ncakwiila akumoyo kutooshiya kulya.

Kulumbaisha 103:15

Sombi swebo, buumi bwesu bulibo anga mbwiisu. Tulakula akunemfuma anga ndiluba lya muluundu.

Kulumbaisha 103:16

Muuwo na walipuupila, liluba ilyo lilayuma. Lyalo talibonekiwo tubili mumusena wa ndilyo.

Kulumbaisha 90:5

Muntu mulamutola lubilo mbuli mukuuku. Ulekalabo ciindi ciniini anga nciloto. Buumi bwakwe buli anga mbwiisu bumena macuunsa.

Kulumbaisha 90:6

Bwiisu ncakwiila bulamena macuunsa, sombi macolesha bulanyana akuyuma.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 37:27

Bantu ba mumo tebakalinga kucite nkusu, bakaloonda abuumbi akulenshekwa nsoni. Bakababo anga ninsaku mumyuunda nabi bwiisu butoomena paciluli shiyuma muciindi ciniinibo na muuwo ulungula wesa.

Isaya 40:24

Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Agayi 1:9

“Mwakayeeya ayi twatebula shakulya shiinji, sombi mwakatebula shiniini. Ndimwakaleta shakulya isho kumishaanu, nebo ndakashitola amuuwo. Ino ndakacitilanshi boobo? Ici cakacitika mukwiinga Ŋanda yangu icili matongo, sombi mwebo noonse mutooyuwaanabo kumilimo ya pamaandaanu.

Jemusi 1:10

Alakwe mushomi mubile ulyeelete kusangalala na Lesa waceesha buboni bwakwe. Mukwiinga mubile ulaakumana bweenka mbuli liluba lya muluundu.

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.