Isaya 40:6 - Baibo Busansulushi Bwa Libuku Ili

⁶ Liswi lyaamba ayi, “Olobesha.” Anebo ndakakumbula ayi, “Ngolobeshenshi?” Olobesha ayi, “Bantu boonse bali anga mbwiisu, abwalo bulemu bwabo bulibo anga mbwa maluba a muluundu.

Isaya 40:6 ပူးပေါင်းရင်းမြစ်များ

Jobo 14:2

Ulakula anga ndiluba linefuma kwaciindi ciniini akunyana. Ee, buumi bwakwe bulibo anga ncimfule ico cishiminganashiminganabo.

Kulumbaisha 102:11

Ncakwiila nshiku shangu shili anga ncimfule ca macolesha. Ee, ndaba anga mbwiisu buyumu.

Kulumbaisha 92:7

ayi nabi bamucita shibi basumpuka calubilo bweenka bukula bwiisu, ee, nabi bacita shilubo boonse inga basumpuka, balaakunyonyoolwa cakumaninina.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 37:27

Bantu ba mumo tebakalinga kucite nkusu, bakaloonda abuumbi akulenshekwa nsoni. Bakababo anga ninsaku mumyuunda nabi bwiisu butoomena paciluli shiyuma muciindi ciniinibo na muuwo ulungula wesa.

Isaya 40:3

Muntu utokoolobesha ayi, “Muluyanga amubambeemo nshila ya Mwaami Lesa! Ee, amululikile mukwakwa Lesa wesu muluyanga.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Jelemiya 2:2

“Koya ukaambilishe maswi aya kundabala ya Jelusalemu ayi ‘Ndiingashite mbowakalinga kulyaabite kuli ndime koocili cikula bwangu. Ndiingashite mbowakalinga kunsuni koocili nabwiinga wangu, ee, mbowakankonkela ndindakakwiinsha muluyanga, ncakwiila mucishi citaliimwa.

Jelemiya 31:6

Bushiku bulaakushikila beshikulindilila ndyeshi bakaliile patulundu twa kuEfuleemu ayi, ‘Kamwisa tuye kuSiyoni, ee, tuye kuMwaami Lesa, Lesa wesu.’ ”

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Sekaliya 1:14

Mpomunyaawo munjelo wakandwiita ayi, “Ambilisha maswi akaamba Mwaami Lesa Shinkusu shoonse ayi, ‘Jelusalemu ndabala yangu inene isalalite ndiisuni alimwi ndeebikaako maano.