Isaya 40:24 - Baibo Busansulushi Bwa Libuku Ili

²⁴ Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.

Isaya 40:24 ပူးပေါင်းရင်းမြစ်များ

2 Samwelo 22:16

Panshi lya lweenge pakacaalabo patuba, lwiimbi lwa cishi ca panshi lwakafwekulwa Mwaami Lesa ndyaakakalalila balwani bakwe. Ee, Mwaami Lesa wakababulumina cabukali.

2 Baami 10:11

Lyalo alakwe Jewu wakacaya bamulunyungu lwakwe Aabu bamwi boonse bakalinga kwikala muJesiliilu pantu pomwi abacinenenene bakwe, babye beene beene alimwi abapailishi. Ncakwiila taaku wakacaala kaali muumi.

Jobo 21:18

Ngamankanda ongaye ndibapepelushikwa kumuuwo anga mbwiisu? Ee, ngamankanda ongaye ndibaba anga mbuungu buya acipuupu cinene?

Jobo 4:9

Lesa ulabanyonyoola anga ncipuupu cinene ncakwiila bukali bwakwe bulabalobya.

Jobo 8:17

akupombela miyanda ya njiyo kumabwe. Ilacatilila cankusu kulibwe lyomwi alyomwi.

Kulumbaisha 58:9

Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.

Kulumbaisha 83:13

NobaLesa, amubalengeshe kuba anga ndusuko, ncakwiila anga buungu buululuka kumuuwo.

Tushimpi 1:27

Nkokwaamba ayi shilensha boowa shaakumupolela anga ncipuupu, ee, mapensho aakumupyanga anga nkapupuulwa, ncakwiila mwaakulimbwa mapensho amakatasho.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 17:11

nabi shikameene macuunsa eenkaayo ngomwashishangilaamo, taaku nceshi mukatebuleemo. Sombi kulaakubabo mapensho akucisa kutashilikiki.

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 37:7

Kutika! Ndaakulengesha mwaami wa bene Asilya kukutika makani ayo eshi akamubooshe kumishaabo. Lyalo kweenka uko ndaakumucaisha kumupeeni.’ ”

Isaya 40:7

Bwiisu bulayuma aalo maluba alaloka, ceebo muuwo wa Mwaami Lesa washipuupila. Ndushinisho buumi bwa bantu bulibo anga mbwa bwiisu.

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Isaya 41:2

“Ngani wakasongaanya shinkusu ulya kuswa kwicwe alimwi akumulengesha kuya cikoma kuli koonse nkweenga waya? Ngani upa nkusu shakukoma bamaami amishobo ya bantu? Ncakwiila mipeeni yakwe ilabalengesha kubabo anga ndusuko. Ee, mata akwe alabalengesha kuululuka anga mbuungu.

Jelemiya 22:30

Mwaami Lesa waamba ayi, “Lemba muntu uyu anga ngumuntu utacitewo mwaana, ee, anga ngumuntu uyo eshi akabule kuswitilila mubuumi bwakwe ceebo taaku wamulunyungu lwakwe weshi akaswitilile. Taaku nabi womwi pakati kabo weshi akekale pacuuna ca bwaami bwakwe Defedi nabi kulela tubili mucishi ca Juda.”

Jelemiya 23:19

Amubone, bukali bwangu bulibo anga ncipuupu ciyoosha, ee, bulibo anga nkapupuulwa ako katooshingulukabo pamitwi ya bamucita shibi.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Osiya 13:3

Paceebo ceeco balaakuba anga ngushikunku wa macuunsa, ee, anga ngumume uyo upalangana na lwabala. Ncakwiila balaakuba anga mbuungu butolwa amuuwo kulubansa lwakulupwitaawo nabi anga mbwiishi butooswita pambwelyo.

Naamu 1:14

Mwebo nobene Asilya, Mwaami Lesa wapa mulasho pali ndimwe ayi, “Teshi mukabeewo abamulunyungu abo beshi bakanokwiitwa meena anu. Ndaakunyonyoola shikoshanyo shakubesa ashibumbwabumbwa isho shili mumaanda akulambililaamo balesa banu. Ndaakubamba cuumbwe canu mukwiinga tamweelete kunoocili boomi.”

Agayi 1:9

“Mwakayeeya ayi twatebula shakulya shiinji, sombi mwakatebula shiniini. Ndimwakaleta shakulya isho kumishaanu, nebo ndakashitola amuuwo. Ino ndakacitilanshi boobo? Ici cakacitika mukwiinga Ŋanda yangu icili matongo, sombi mwebo noonse mutooyuwaanabo kumilimo ya pamaandaanu.

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.