Isaya 40:22 - Baibo Busansulushi Bwa Libuku Ili

²² Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Isaya 40:22 ပူးပေါင်းရင်းမြစ်များ

Matalikilo 1:6

Ono Lesa wakaamba ayi, “Akube musena ufongomene kwiculu kwaamba ayi upansaanye maanshi.”

Jobo 22:14

Ulayeeya ayi makumbi ashiya mbi alamushinkilisha kwaamba ayi ataboni. Ee, kumushinkilisha kubona ndyaaya ceenda peculu lya makumbi ayo.’

Jobo 26:7

Wakafungulula liculu pamusena wakalinga bwaashi akwaanjika cishi ca panshi patakalingawo cintu.

Jobo 36:29

Taakuuwo muntu nabi womwi wishi ceensha makumbi, na kululuma kwa mfula mwiculu umo mwikala Lesa.

Jobo 37:18

ono sa inga wacikonsha kucafwa Lesa kuyala liculu cakwaamba ayi lyayuma nta mbuli cilola ca bulonse wakateshimishikwa?

Jobo 9:8

Lakwe eenka ngowakafungulula liculu alimwi ngookonsha kulyatoola maaba a palweenge.

Kulumbaisha 104:2

Mulalifweka mumuni anga ncakulifweka. Mulafungulula liculu anga nitente.

Kulumbaisha 18:11

Munshinshe wakalinga kumushingulukite, wakalingabo mumakumbi a mfula ashiya mbi.

Kulumbaisha 19:4

Sombi nkombe sha nshisho shilaya mucishi coonse, ncakwiila shilanyumfwika akweela cishi koonse. Wakayakila lisuba ŋanda mwiculu,

Kulumbaisha 2:4

Uyo ucite cuuna ca bwaami kwiculu ulasekabo, Mwaami Lesa ulaweluluka miyeeyo yabo.

Kulumbaisha 29:10

Mwaami Lesa ulishiite pacuuna ca bwaami akweendelesha maanshi ayoosha. Ncakwiila unanooli Mwaami lyoonse alyoonse.

Kulumbaisha 68:33

Amumwiimbile uyo weendela muliculu likulukulu. Ngowooyo ululuma aliswi lyankusu.

Tushimpi 8:27

Nebo ndakalingaako ndyaakabika liculu mumusena wa ndilyo, ee, ndyaakatala manyinsa a ndilyo peculu lya lweenge.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 37:16

“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.

Isaya 40:15

Kuli Lesa mishobo yoonse ilibo anga ngumundoondo wa maanshi mumungomo unene. Balabonwabo anga ntulusuko pacipimo. Ashalo nsumbu nshuububo anga ntulusuko.

Isaya 40:17

Ncakwiila kuli nguwe mishobo imwi yoonse taaku amboibeteewo. Ee, taaku amboibete kuli nguwe alimwi teecite ncito.

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 51:13

cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Jelemiya 10:12

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Sekaliya 12:1

Aya ngamakani abulaluki akaambwa aMwaami Lesa pabene Isilaeli. Ngamaswi a Mwaami Lesa uyo wakayala liculu, kubika lwiimbi lwa cishi ca panshi akupa buumi muntu. Lesa uyo waamba ayi,

Shakubelenga 13:33

alimwi twakabona abantu bapolomene, bamulunyungu lwakwe Anaki. Swebo twakalinga kulibona kuceya anga mbateete, alimwi ncakwiila mbotwakalinga kuboneka mbweeke ubo kuli mbabo.”