Isaya 40:15 - Baibo Busansulushi Bwa Libuku Ili

¹⁵ Kuli Lesa mishobo yoonse ilibo anga ngumundoondo wa maanshi mumungomo unene. Balabonwabo anga ntulusuko pacipimo. Ashalo nsumbu nshuububo anga ntulusuko.

Isaya 40:15 ပူးပေါင်းရင်းမြစ်များ

Matalikilo 10:5

Aba bakalinga mbobamashali bakulukulu ba bantu abo bekala muya loombe lwa lweenge apansumbu. Mbobantu bomwi bamulunyungu lwakwe Jafeti bekala mumishobo ipusenepusene ashishi. Bamwi abamwi balaamba mumulaka wabo.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Kulumbaisha 62:9

Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Isaya 29:5

Nakubi boobo makoto makoto abalwani bako alaakubabo anga ndusuko luyabo amuuwo. Ee, balwani banu batacite nkumbu balaakubabo mbuungu butooya cuululuka. Ncakwiila muciindi ciniinibo alimwi cakuteengashila

Isaya 40:22

Mwaami Lesa ulicite cuuna cakwe ca bwaami mwiculu peculu lya cishi ca panshi. Bamucishi ca panshi balaboneka anga ntulongolo. Liculu ulalifungululabo anga ncisani cakushitilishishaako. Ncakwiila ulalifungululabo anga nitente yakwikalaamo.

Isaya 41:5

“Bantu bamushishi sha muloombe lwa lweenge bakabona nkusu shangu akuloonda. Ndushinisho ndibakashibona bakatutuma. Aboobo boonse babungana akwisa pafwaafwi.

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Danyelo 11:18

Pesule ulaakulwana mishobo ili muloombe lwa lweenge akukoma iinji pakati ka njiyo. Sombi mutanjilili wa bashilumamba muswamashi ulaakumukoma akumanisha kulisumpula kwakwe. Munshila iyo musebaanyo uyo ulaakuboola pamubili wakwe mwiine.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.