Isaya 40:1 - Baibo Busansulushi Bwa Libuku Ili

¹ Lesa wanu waamba ayi, “Amuumbulushe bantu bangu.

Isaya 40:1 ပူးပေါင်းရင်းမြစ်များ

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Kulumbaisha 85:3

Mwakashisa bukali bwanu boonse Mwakakasha bukali bwanu bwiindaawo.

Kulumbaisha 85:8

Ndaakukutika kusheesho Mwaami Lesa nsheshi akaambe. Ulashomesha luumuno kuli ndiswe sobantu bakwe, kulilabo na twabula kuboolela kunshila shesu shabuluya.

Shikushimikila 3:4

Kuli ciindi cakulila aciindi cakuseka. Kuli ciindi cakuungumana aciindi cakushana.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Isaya 41:27

Sombi nebo neMwaami Lesa ndime mutaanshi kulwiita bene Siyoni cikani ico. Ndakatuma shinkombe mukulwiita bene Jelusalemu ayi, ‘Bantu bene mishaanu bali munshila! Ee, batooboola uko kumishaabo!’

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Isaya 61:2

Wantuma akwaambilisha ayi uno ngomwaaka uyo Lesa ngweshi apulushe bantu bakwe akuboosha cishole kwakwe Lesa. Wakantuma kwaamba ayi ngumbulushe bantu boonse batoolila.

Esekelo 16:42

Lyalo bukali bwangu buyoosha bulaakumana abukali bwangu bwa busuba pali ndiwe bulaakuswa. Ndaakubooshamo moyo cakutakalalaawo tubili.

Sekaliya 1:13

Mwaami Lesa wakakumbula munjelo maswi abotu akuumbulusha.

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

2 Bene Kolinto 1:4

Ulatucafwa mumapensho esu oonse kwaamba ayi tukonshe kucafwa bamwi bacite mapensho amushobo uli woonse, kwiinda mulucafwo ulo ndotwakatambula kuswa kuli Lesa.

1 Bene Tesalonika 4:18

Ono aboobo amuyuminishanye mumaswi aya.