Isaya 4:6 - Baibo Busansulushi Bwa Libuku Ili

⁶ Malumwi bulemu bwakwe ubo bulaakuba cimfule cakuyubamo lumwi alimwi mulaakuba momwakuyunsa mfula acipuupu cinene.

Isaya 4:6 ပူးပေါင်းရင်းမြစ်များ

Kulumbaisha 27:5

Muciindi ca mapensho ulaakunshisa, ulaakundama kabotu muŊanda yakwe isalalite, ee, ulaakumbika pamusena pataaku cakulibilika.

Kulumbaisha 55:8

Alimwi inga ndacabaana kulangoola mwakuyuba, kuyuba cipuupu ciyoosha alimwi mfuula ya mapensho.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Isaya 14:32

Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 32:1

Amubone kulaakuba mwaami weshi akanoolela cabululami. Abalo beendeleshi balaakunokweendelesha cakutanyengelela.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 8:14

Nebo ndi anga ngumusena wakuyubaamo. Sombi kubene Isilaeli abene Juda ndaakuba anga ndibwe lisuntula bantu, ncakwiila mwaandami ulengesha bantu kuwa. Kubene Jelusalemu ndaakuba anga nkoose umo mweshi bakacatwe.

Esekelo 11:16

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Nakubi kwaamba ayi ndakamutandila pakati ka mishobo imwi kulaale akumupalanganishisha mushishi shimwi, kwaciindi ciniini ndalinga kumufunaako mushishi umo momwakaya.’

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Ciyubululo 7:16

Teshi bakanyumfwewo nsala nabi nyotwa. Teshi bakanyumfwewo lumwi nabi kupenga kucikasaashi cili coonse.