Isaya 39:6 - Baibo Busansulushi Bwa Libuku Ili

⁶ ‘Ciindi cilaakushikila buboni boonse bwa muŋanda yako ya bwaami, pantu pomwi asheesho bamashali bako bakulukulu nshebakasunga kushikila bushiku bwa sunu. Shoonse shilaakutolwa kucishi ca Babiloni. Ncakwiila taaku ceshi cikacaale.

Isaya 39:6 ပူးပေါင်းရင်းမြစ်များ

2 Baami 24:13

Nebukadinesa wakabwesa abuboni boonse bwa muŊanda yakwe Lesa kubikaawo abwa muŋanda ya bwaami akubutola kuBabiloni. Nebukadinesa wakapwaya shisebensesho sha golodi sha muŊanda yakwe Lesa isho mwaami Solomoni nshaakapanga, bweenka bwakaamba Mwaami Lesa.

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

2 Makani 36:18

Nebukadinesa wakasaala shintu sha muŊanda yakwe Lesa, sha mucipinda cakusungilamo buboni ca Ŋanda yakwe Lesa alimwi abuboni bwa mwaami abwa bacinenenene bakwe akushitola kuBabiloni.

Jelemiya 20:5

Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Esekelo 23:26

Balaakumufuula shakufwala akutola shakulibotesha shanu shamakwebo.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 1:3

Kuswawaawo mwaami Nebukadinesa wakalwiita Ashipenasi uyo wakalinga wacinenenene munene mubwaami bwakwe ayi asale bacikula bwangu basankwa kuswa kubene Isilaeli abo bakesa busha. Basankwa abo balyeelete kuba bana ba baami alimwi abana ba bacinenenene.