Isaya 39:3 - Baibo Busansulushi Bwa Libuku Ili

³ Mpomunyaawo Isaya mulaluki wakaya mukwiipusha mwaami Esekiya ayi, “Ino bantu balya baswa kuli alimwi baamba ayinshi?” Esekiya wakakumbula ayi, “Baswabo kulaale, kucishi ca Babiloni.”

Isaya 39:3 ပူးပေါင်းရင်းမြစ်များ

2 Samwelo 12:1

Mpomunyaawo Mwaami Lesa wakatuma Natani mulaluki kuli Defedi. Ndyaakashika kuli Defedi, wakaamba ayi, “Amubone, kwakalinga basankwa bobilo bakalinga kwikala mundabala yomwi. Womwi wakalinga mubile, umwi kaali mukandu.

2 Makani 16:7

Paciindi ico Anani mulaluki wakaya kumwaami Asa akumwaambila ayi, “Ono mukwiinga mwebo mwakacinka manungo mumwaami wa bene Silya pamusena wakucinka manungo muMwaami Lesa, Lesa wanu, bashilumamba bene Isilaeli boonse bamana kumuloboka.

2 Makani 19:2

Mpeeke Jewu mulaluki mwanaakwe Anani, wakaya mukukumanya mwaami akumwaambila ayi, “Sa mutooyeeya ayi cililuleme kucafwa bamucita shibi akulwana kulubasu lwa bantu bapatite Mwaami Lesa? Ici ncemwacita calengesha bukali bwa Mwaami Lesa kwisa pali ndimwe.

2 Makani 25:15

Mwaami Lesa wakakalalila Amasiya. Lyalo wakatuma mulaluki kuli nguwe mukumwaambila ayi, “Ino utoolambililanshi balesa ba bantu abo, balesa abo batakwe kukonsha kupulusha bantu babo kuswa mumaansaako?”

Isaya 38:1

Muciindi ico ceenka mwaami Esekiya wakaciswa cakufwabo. Lyalo Isaya mulaluki mwanaakwe Amosi wakaya mukumubona. Mpeeke wakamulwiita ayi, “Mwaami Lesa waamba ayi, ‘Bamba kabotu shintu shako shoonse mukwiinga teshi upuluke. Libambile kufwa.’ ”

Isaya 38:5

“Boola kuli Esekiya, uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ndaakukunungilaako myaaka ili likumi ayosanwe.

Isaya 39:4

Isaya wakeepusha ayi, “Babonaawonshi muŋanda ya bwaami muno?” Esekiya wakakumbula ayi, “Shoonsebo bashibona. Taaku cintu nabi comwi mushipinda shangu shakusungilaamo buboni nceentakwe kubabonesha.”

Jelemiya 4:16

Litokwaamba ayi, “Amulwiite mishobo akwaambila ndabala ya Jelusalemu ayi, ‘Likoto lya bashilumamba beshikushinkila batoosa kuswa kucishi cakulaale. Bantu aba balaakunokoolobesha pakulwana mandabala a muJuda.

Jelemiya 5:15

Mwebo nobene Isilaeli, ntooleta mushobo kuswa kushishi shakulaale kwisa mukumulwana. Ee, ntooleta mushobo ukulukulu ucite nkusu. Ngumushobo wa bantu baamba mulaka ngomuteshi alimwi bacite myaambo njemutanyumfwi.

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.

Joshuwa 9:6

Lyalo bakaya kuli Joshuwa kumisumba kuGilugala, akumwaambila pantu pomwi abene Isilaeli boonse ayi, “Twaswa kucishi cili kulaale abuumbi. Tulisuni kwaamba ayi tupange cipangano amwebo.”

Joshuwa 9:9

Lyalo bakamukumbula ayi, “Swebo sobasebenshi banu twaswa kucishi cili kulaale abuumbi ceebo twakanyumfwa mpuwo ya Mwaami Lesa, Lesa wanu. Twakanyumfwa shoonse nshaakacita mucishi ca Ijipiti,