Isaya 39:2 - Baibo Busansulushi Bwa Libuku Ili

² Esekiya wakatambula beshinkombe alimwi wakabatondesha buboni bwakwe boonse, nkokwaamba ayi silifa, golodi, tununkila kabotu mubuyani, mafuta anunkila kabotu alimwi ashakulwanisha shakwe shoonse. Taaku cintu nabi comwi muŋanda ya bwaami nabi mubulelo bwakwe boonse cakacaala kutababonesha.

Isaya 39:2 ပူးပေါင်းရင်းမြစ်များ

1 Baami 10:10

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

1 Baami 10:15

kutabelengelaako misonko yakalinga kuswa kubasulishi, beshimakwebo, bamaami ba bene Alebya alimwi akubeendeleshi ba shipansha sha cishi ca Isilaeli.

1 Baami 10:2

Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

1 Baami 10:25

Muntu uli woonse wakalinga kwisa kuli Solomoni, wakalinga kuletelela acipo. Bamwi bakalinga kuleta shintu sha silifa asha golodi, bamwi mingaanjo, bamwi shakulwanisha, bamwi tununkila kabotu mubuyani, bamwi maaki abamwi shifubwa shili anga nimbongolo. Bakalinga kucita boobo pamwaaka amwaaka.

2 Baami 20:13

Esekiya wakatambula beshinkombe alimwi wakabatondesha buboni bwakwe boonse, nkokwaamba ayi silifa, golodi, tununkila kabotu mubuyani, mafuta anunkila kabotu, shakulwanisha shakwe shoonse alimwi abuboni boonse bwakalinga mushipinda shakwe shakubusungilamo. Taaku cintu nabi comwi muŋanda ya bwaami nabi mubuleelo bwakwe boonse cakacaala kutababonesha.

2 Makani 32:25

Sombi Esekiya wakalinga shicimpamya alimwi shikulisumpula. Paceebo ceeco taakwe kulumba Mwaami Lesa pasheesho nshaakamucitila. Lyalo bukali bwa Mwaami Lesa bwakaseluka pali nguwe, bene Juda alimwi abene Jelusalemu.

2 Makani 32:27

Mwaami Esekiya wakabila cakwaamba ayi bantu boonse bakalinga kumulemeka. Wakayakisha maanda akusungilaamo buboni bwakwe, nkokwaamba ayi golodi, silifa, mabwe amakwebo, tununkila kabotu twa mubuyani, mayawo ashintu shimwi shamakwebo.

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

2 Makani 9:1

Mwaami mwanakashi wa kuShiba wakanyumfwa mpuwo yakwe Solomoni mukulambila liina lya Mwaami Lesa, wakanyamuka kuswa kuJelusalemu kwisa mukumwiipusha miipusho iyumu kukumbula. Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

2 Makani 9:9

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

Jobo 31:25

Nshikwe kusangalalilawo mububile buunji, ee, mububile ubo mbondakacana amaansaangu.

Tushimpi 4:23

Bunene bunene, ulame moyo wako ceebo nkokantupu ka buumi bwako.

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

1 Joni 1:8

Ono na twaamba ayi tatubishi, cilaamba ayi tutoolibeca sobeene alimwi lushinisho lwakwe Lesa talubete muli ndiswe.