Isaya 38:3 - Baibo Busansulushi Bwa Libuku Ili

³ “NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

Isaya 38:3 ပူးပေါင်းရင်းမြစ်များ

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 6:9

Ici ncikani cakwe Nowa. Nowa wakalinga muntu ululeme pabantu bamuciindi cakwe, alimwi wakalinga kweenda mubushicibusa aLesa.

1 Baami 15:14

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

2 Baami 18:3

Wakacita shiluleme pameenso a Mwaami Lesa bweenka bwakacita Defedi mushali wakwe mukulukulu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

1 Makani 29:19

Amupe Solomoni mwanaangu moyo wakulyaaba kuli ndimwe cakumaninina kwaamba ayi anookonkela milawo amilasho yanu yoonse akuyaka Ŋanda yanu iyo njendabambila kale shintu shoonse.”

1 Makani 29:9

Bantu boonse bakasangalala abuumbi kubona bamatanjilili mbobakapa kuMwaami Lesa cakulyaaba alimwi camyoyo yoonse. Ncakwiila alakwe Defedi wakasangalala abuumbi.

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

2 Makani 25:2

Wakacita shintu shiluleme pameenso a Mwaami Lesa, sombi taakalinga kushicita camoyo woonse.

Esila 10:1

Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Neyemiya 1:4

Mpeeke ndindakanyumfwa boobo, ndakekala panshi akulila. Ndakalila akulikasha kulya kwanshiku shiinji kunembo lyakwe Lesa wa kwiculu.

Neyemiya 13:14

NobaLesa bangu, kamunjibaluka pashintu shoonse nshendakacitila Ŋanda yanu akulambila kwakalinga kuba kooko.

Neyemiya 13:22

Lyalo ndakaambila bene Lefi ayi balisalashe akuya mukulindilila minjililo kwaamba ayi bushiku bwakookesha bwa Cibelu bulamwe cakubusalasha. NobaLesa bangu, amunjibaluke pacikani ici acalo akunyumfwila nkumbu kweelana alusuno lwanu lunene.

Neyemiya 13:31

Ndakabamba shakuleta nkuni paciindi ceelete shakusebensesha pakutenta milambu alimwi akwaambila bantu kunooleta nsomo sha shili anga ngamaila ansoomo sha shisepo. NobaLesa bangu, kamunjibaluka akunoonyumfwila nkumbu.

Neyemiya 5:19

NobaLesa bangu, amwiibaluke shintu nshendakacitila bantu aba akumpa shoolwe shiinji.

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Kulumbaisha 102:9

Ceebo ndalya milota anga ncakulya, akunwa shisenkene aminsonshi

Kulumbaisha 119:80

Moyo wangu utabi akampenda kumilasho yanu, kwaamba ayi ntakalenshekwi nsoni.

Kulumbaisha 16:8

Lyoonse ndatanjisha Mwaami Lesa wangu. Aboobo teshi nkapenge ceebo uli pafwaafwi anebo.

Kulumbaisha 26:3

Ceebo lyoonse nshilubi lusuno lwanu lutamaani, alimwi lyoonse mubuumi bwangu ndeenda cakushomeka kuli ndimwe.

Kulumbaisha 32:2

Balicite coolwe abo Lesa mbwaateebalukili shibiibi shabo, alimwi ucite moyo mutaamu bubeshi napaceyi.

Kulumbaisha 6:6

Buumba bwandemya cakunkopola, lyoonse mashiku ndalila cakutontosha bulo bwangu, ncakwiila ndatontosha mutaamino wangu kuminsonshi.

Kulumbaisha 6:8

Amunsoonoke noonse nobamucita shibi! Mwaami Lesa ulanyumfwa kulila kwangu.

Isaya 38:2

Esekiya wakasanduluka walanga kulubumbu akupaila ayi,

Isaya 38:4

Mpeeke Mwaami Lesa wakaambila Isaya ayi,

Osiya 12:4

Wakalwana amunjelo akumukoma. Wakalila akusenga ayi amupe coolwe. KuBetelo Lesa wakesa kumushali wesu mukulukulu akubandikaakwe kweenka uko.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

Dutolonomi 6:18

Amucite cintu Mwaami Lesa ncaamba ayi cililuleme alimwi ncibotu. Lyalo shintu shoonse shinanoomweendelabo kabotu. Mulaakukonsha kubwesa cishi ca bulongo bubotu ico Mwaami Lesa ncaakashomesha bamashali banu bakulukulu,

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.