Isaya 38:13 - Baibo Busansulushi Bwa Libuku Ili

¹³ Ndakalinga kulangila kushikila kumuyamaca, sombi bweenka bucita nkalamu wakalinga kutyoloola mafuwa angu, cakwaamba ayi mashiku amalumwi ndakalinga kuyeeya ayi utoomanisha buumi bwangu.

Isaya 38:13 ပူးပေါင်းရင်းမြစ်များ

1 Baami 20:36

Lyalo wakamwaambila ayi, “Ono mukwiinga wakakaka caamba Mwaami Lesa, waswabo waano nkalamu itookuluma.” Ncakwiila ingayi asweewobo, nkalamu yakesa yamuluma akumucaya.

Jobo 7:6

“Nshiku shangu shileenda lubilo kwiinda cakupombeleshako busalu. Shileenda lubilo akweela cakubula kulangila bubotu.

Kulumbaisha 32:4

Mukwiinga mashiku amalumwi lyaansa lya bukali bwanu lyakalinga kundemena. Aboobo nkusu shangu shakamaninina bweenka buyuma maanshi kulumwi lwa cilimo.

Kulumbaisha 39:10

Amukushe lyaansa lyanu lya bukali pali ndime! Ntooyanda kufwa kushuumo shanu.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Kulumbaisha 51:8

Amunsuminishe nyumfwe ciyobeyobe cakusangalala akukondwa. Amusuminishe mubili wangu uyo ngomwapwayoola kubuumba kusangalala cipya.

Kulumbaisha 7:2

kwaamba ayi batankwamooni bucita nkalamu, akunsutoola mutupanshapansha kwakubula aumfuna.

Kulumbaisha 90:5

Muntu mulamutola lubilo mbuli mukuuku. Ulekalabo ciindi ciniini anga nciloto. Buumi bwakwe buli anga mbwiisu bumena macuunsa.

Malilo 3:4

Wakalengesha cikanda amubili wangu kuboneka kucembela, akuntyoloola mafuwa.

Danyelo 6:24

Lyalo mwaami wakaamba ayi abo bakalinga bapa mulandu Danyelo bacatwe akuwaalwa mucilindi ca nkalamu pantu pomwi abamakaabo alimwi abana babo. Kabatana kushika apanshi lya cilindi, nkalamu shakababaka akupwayoola mafuwa abo oonse.

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.