Isaya 34:3 - Baibo Busansulushi Bwa Libuku Ili

³ Bantu babo beshi bakacaikwe balaakusowekwabo, mituntu yabo ilaakunoonunka cilensha bunya. Tulundu tulaakubabo lololo kubulowa bwabo.

Isaya 34:3 ပူးပေါင်းရင်းမြစ်များ

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 34:7

Ubo bushiku abo baambwa ayi ninyati sha bantu balaakufwitabo pantu pomwi ambabo. Ee, kufwita pantu pomwi abaabo bacite nkusu anga mbacende baana nabi bacende banene. Cishi cabo cilaakunoolibo tontolo kumalowa, ncakwiila bulongo boonse bulaakunoolibo lololo kumafuta.

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Jelemiya 22:19

Ulaakufukilwabo anga nimbongolo, nkokwaamba ayi ulaakukwelwa akusowelwa pansengwe lya minjililo ya Jelusalemu.”

Jelemiya 25:33

Ciindi ico abo boonse beshi bakacaikwe kuMwaami Lesa balaakunoolibo luundu loonse. Nkokwaamba ayi kuswa kweela cishi kuya mukushika ankoceela. Teshi bakabunjikweewo nabi kufukilwa. Sombi balaakubabo anga ngamatombe apantantaala peculu lya nshi.

Esekelo 14:19

“Nabi na ndatuma mwaalu mucishi ico akupomweeta bukali buyoosha pali ncico kwiinda mukutila bulowa kucaya bantu boonse alimwi ashifubwa shabo,

Esekelo 32:4

Ndaakukusowela kumutunta alimwi ndaakukuwaala paliwesa. Ndaakuleka bayuni boonse kwikala pali ndiwe, akuleka banyama boonse kwisa mukukulya.

Esekelo 35:6

Paceebo ceeco kweelana ambocibete lushinisho ayi nebo neMwaami Lesa Shinkusu shoonse ndi muumi, mbweeke ubo ndaakumwaaba kulufu alimwi teshi mukakonshewo kululoboka. Ulicite mulandu wa bucayi, aboobo awebo ulyeelete kucaikwa.

Esekelo 38:22

Ndaakumoombolosha akumupa mulandu kwiinda mukumutumina mwaalu ankoondo. Ndaakumuloshesha mfula inene abuumbi alimwi ya mabwe. Ndaakulosha mulilo asalufa ulungula pali nguwe, bashilumamba bakwe apamishobo imwi iinji njooli ayo.

Esekelo 39:11

Mwaami Lesa waamba ayi, “Bushiku ubu ndaakupa Gogi musena wakubikaako muIsilaeli muCinyika ca Beshikweenda kwicwe lya Lweenge lwa Mwiinyo. Musena uyo ulaakushinkila beshikweenda ceebo Gogi alikoto linene lya bashilumamba bakwe balaakufukilwa nkuko. Aboobo musena uyo ulaakwiitwa ayi Cinyika ca Bashilumamba bakwe Gogi.

Esekelo 39:4

Ulaakuwita patulundu twa Isilaeli, webo, bashilumamba bako boonse alimwi amishobo imwi iyo njeshi ukanooli ayo. Ndaakukusandula kuba cakulya ca bayuni bapusenepusene balya nyama aca banyama ba muluundu.

Jowelo 2:20

Ndaakutandaanya cisoshi cakaswa kumatwa kuya kulaale amwebo. Ndaakucitandaanya kuya muluyanga. Mindando yakunembo ya ncico ilaakutandilwa muLweenge lwa Mwiinyo. Ayalo mindando yakwisule ilaakutandilwa muLweenge lwa Mediteleniyani. Cilaakubola akununka abuumbi.” Ncakwiila Mwaami Lesa wakacita shintu shikankamika.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Naamu 3:3

Beshimaaki baliciteeko kucica! Mipeeni itoobekookabo! Aalo masumo alipiyeenepiyeenebo! Mituntu ya bantu yeelinkana! Ncakwiila mibili ya baabo bacaikwa teebelengeki. Bantu batoolisuntulaamobo akuwitaawo pakweenda.

Ciyubululo 14:20

Minyansa iyo yakatyanwa momunya umo, pansengwe lya ndabala inene. Mpeeke mucilindi ico cakutyaninamo minyansa mwakaswa bulowa ubo bwakakunka makilomita ali 300 akuya panshi mpashi mamita ali 2.