Isaya 32:6 - Baibo Busansulushi Bwa Libuku Ili

⁶ Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Isaya 32:6 ပူးပေါင်းရင်းမြစ်များ

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Tushimpi 24:7

Ncintu ciyumu kumuluya kuba abusongo palibungano liba kumwinjililo taaku ancaawaalaawo nabi comwi.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Isaya 10:6

Asilya, ndiwe ndakatuma kuya mukulwana mushobo utalemeki ndime neLesa, mushobo uyo wakankalasha. Ndiwe ndakatuma kuya mukusaala buboni bwabo akubalyatoola anga ngamatombe mumikwakwa.”

Isaya 26:10

Na nkuumbu shatondeshekwa kumucita shibi, ndushinisho bululami taabwiiyiiwo napaceyi. Lakwe pakati ka bantu baluleme micito yakwe njakusendamya alimwi taalemeki Mwaami Lesa napaceyi.

Isaya 3:15

Anu mutooyeeya ayi ndimwe baani pakulyatilila bantu bangu akunoolita masuku pamitwi ya bakandu?” Ubo mbwaatokwaamba Mwaami Lesa, ee, Mwaami Lesa Shinkusu shoonse.

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 13:23

Sa muntu mushiya inga walisandula cikanda cakwe? Sa shiluwe inga wakonsha kulisandula mabala? Cilyeelenebo andimwe, tamukoonshi kucita shintu shibotu ceebo mulishibite kucita shintu shibiibi.

Esekelo 34:18

Sa tamuna kukuta kulya mweemfu ubotu? Sa ncibotu kulyatoola mweemfu wanu amyeendo? Sa tamuna kukuta maanshi abotu ngomutoonwa? Sa ncibotu kufundaanya acaala amyeendo yanu?

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Amosi 8:6

Kuswawaawo tukoole busha bakandu amaali a silifa. Ee, tukoole bapengete mukushintabo ankwabilo. Ncakwiila tulaakuulisha amukuka woonse wa witi pamweelo wapeculu.’ ”

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.

1 Samwelo 24:13

Mbweeke bubete mwaambo ulya ukulukulu wakwaamba ayi, ‘Kubamucita shibi nkokuswa micito ya bubi,’ aboobo anebo teshi nkamutyunkeewo nabibo munwe.