Isaya 32:2 - Baibo Busansulushi Bwa Libuku Ili

² Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 32:2 ပူးပေါင်းရင်းမြစ်များ

Kulumbaisha 143:9

NoBaami baLesa amumfuune kubalwani bangu, ceebo muli ndimwe moonjuba.

Kulumbaisha 32:7

Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.

Kulumbaisha 63:1

NobaLesa, mwebo muli baLesa bangu. Ndamulambila amoyo wangu woonse, mubili wangu utooyandisha kuba andimwe, muuya wangu ulimucitile nyotwa anga ngumuntu uli mumusena washikula, ncakwiila musena utacite maanshi.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 16:3

Batokwaambila bene Juda ayi, “Amutulwiiteeko mbweshi tucite. Amutupeeko muyeeyo wakucita. Amutufuneeko bweenka cimfule mbocitontosha ciindi lisuba ndiliba pakati ka mutwi cilimo. Twacicila kokuno ayi mutushiseeko, mutatwaabi kubalwani besu.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 41:18

Ndaakulengesha mulonga kukunka pakati ka tulundu tutacitewo shisamu. Tuntupu tulaakunookunka maanshi kuya mushinyika. Ndaakulengesha luyanga kuba amashiba mashiba a maanshi. Mulunjumwa mulaakusulabo tuntupu twa maanshi.

Isaya 43:19

Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Isaya 44:3

“Ndaakulengesha maanshi kuba mucishi citaciteewo akulengesha tulonga kukunka painshi iyumu. Bana banu ndaakubapoomweta Mushimu wangu, ee, bamulunyungu lwanu ndaakubapa coolwe.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 33:14

Mwaami Lesa waamba ayi, “Ciindi cilaakushika ndyeshi nkacite kweelana ambondakashomesha bene Isilaeli abene Juda.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Joni 7:37

Pabushiku bwakweelaako, bushiku bunene kwiinda nshiku shoonse shamukusekelela uko, Jesu wakanyamuka woolobesha ayi, “Na kuli muntu unyumfwite nyotwa ese kuli ndime anwe.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.