Isaya 32:19 - Baibo Busansulushi Bwa Libuku Ili

¹⁹ Nakubi kwaamba ayi imfula ya mabwe ilaakunyonyoola musaansa andabala yanu inene,

Isaya 32:19 ပူးပေါင်းရင်းမြစ်များ

Isaya 10:18

Mulilo uyo ulaakulokotesha misaansa yakwe ibotu akutenta myuunda yakwe icite mboleshi bweenka bulwashi bucaya mbobuya cimana muntu.

Isaya 10:19

Shisamu shakwe sheshi shikacaale shilaakubabo shiniini cakwaamba ayi nabi mwanike ulaakukonsha kushibelenga.

Isaya 10:33

Amubone, Mwaami Lesa, ee, Mwaami Lesa Shinkusu shoonse ulaakubatema akubalosha anga ngumusampi wa cisamu watemwa. Ncakwiila abo balisumpula, abo balinaamuna ulaakubatema akubaboosha panshi.

Isaya 24:10

Ndabala inene ya shimfulunganya ilya yacaala matongo. Mulyango wa ŋanda yomwi ayomwi ulicalitwe.

Isaya 24:12

Ndabala inene yanyonyoolwa acalo cisasa ca pamwinjililo capwayoolwa akubabo tupanshapansha.

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 26:5

Abo balinaamuna ulababoosha panshi. Ndabala yabo uleenyonyoola. Lilinga lya njiyo ulalikuloola cakubabo lusuko.

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Isaya 28:17

Ndaakulengesha ayi koombolosha cakutanyengelela kuba ntambo yakuyakisha, ee, bululami kuba ncecipimo.” Lyalo ciyubilo canu, ee, bubeshi, cilaakutolwa amfuula ya mabwe, maanshi alaakufwekelesha misena momuyubila.

Isaya 28:2

Amubone Mwaami Lesa ulicite muntu shinkusu muyumu. Ulaakwisa anga nimfula ya mabwe alimwi ya muuwo unyonyoola. Ulaakwisa anga ngamaanshi asefuka akukokolola shoonse. Muntu uyo ulaakushindikila bene Efuleemu panshi cankusu.

Isaya 29:4

Lyalo ulaakunokwaambila panshi, liswi lyako lilaakunooswa mubulongo. Ulaakunoobulubushabo anga ncipuku, ncakwiila liswi lilaakunoonyumfwika anga utootepetabo mubulongo.

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 37:24

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

Naamu 1:1

Aya ngamaswi akaswa kuMwaami Lesa kwaamba pandabala ya Ninife. Ili ndibuku lya cili anga nciloto cakabona Naamu mwine Ekiloshi.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Sekaliya 11:2

Amulile cakooloma mwebo noshisamu sha mapaini ceebo shisamu sha sida shamana, ee, shisamu shilemekwa shanyonyoolwa! Ncakwiila mulile cakooloma mwebo nomibanga ya kuBashani, mulile ceebo shisaka shatemwa!

Mateyo 7:25

Ono mfula ndiyakaloka, milonga yakesula kwiindilila alimwi amuuwo wakapuupila kuŋanda iyo, sombi taikwe kuwa mukwiinga yakalinga kuyakitwe palibwe.

Ciyubululo 18:21

Mpomunyaawo munjelo ucite nkusu wakabwesa libwe linene lili anga ndyakupelelaawo akuliwaala mulweenge kaamba ayi, “Mbweeke bulya ndabala inene ya Babiloni mbweshi ikanyonyoolwe, teshi ikabonekeewo alimwi!

Ciyubululo 8:7

Munjelo wakutaanguna ndyaakalisha lupeenga lwakwe, kwakaba mfula ya mabwe amulilo usenkene abulowa. Shoonse ishi shakalokela pacishi ca panshi. Mpeeke cipansha catatu ca cishi cakapya, cipansha catatu ca shisamu shoonse mucishi acalo cakapya kubikaawo abwiisu boonse butontola.