Isaya 32:11 - Baibo Busansulushi Bwa Libuku Ili

¹¹ Amututume mwebo nobanakashi nomushiite buumi bubotu, Amulisukame mwebo nobalutundu nomutacite cakulisukama! Amufuule shakufwala shanu shibotu, amufwale masaka mumakome kutondesha buumba.

Isaya 32:11 ပူးပေါင်းရင်းမြစ်များ

Kulumbaisha 123:4

Twaana kucelebulwa kubantu babile, akushibulukwa kubantu balisumpula.

Kulonga 33:4

Ono bantu ndibakanyumfwa boobo, bakatalika kuungumana alimwi bakacileka akufwala shakulibotesha shili anga ngamakosa.

Isaya 15:3

Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 2:21

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 20:4

mbweeke ubo mwaami wa bene Asilya ulaakutola busha bene Ijipiti abene Kushi kabali matakosha alimwi kabali myeendobo. Banike abamanene boonse balaakunooyabo amatako patuba mukulensha nsoni bene Ijipiti.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Isaya 47:8

“Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 49:3

“Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Jelemiya 6:26

Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Jowelo 1:8

Nobantu amulile anga ngumulindu wafwala masaka mukulila musankwa wakamumamikila uyo wafwa.

Amosi 4:12

“Ono bulya nobene Isilaeli, ntoomupa mulandu. Ono mukwiinga ntoocita boobo kuli ndimwe, amulibambile koomboloshekwa andime neLesa wanu.”

Sefaniya 2:15

Iyi njendabala ilisumpula iyo ikala muluumuno. Yakalinga kulyaamboosha ayi, “Ncakwiila taaku ndabala ili mbuli ndime, sobwe.” Bulya yababo matongo mwakuyuba banyama ba muluundu! Abo boonse beendaamo balaakwiiseka akunooitondeka maansaabo.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Jemusi 5:5

Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.