Isaya 31:4 - Baibo Busansulushi Bwa Libuku Ili

⁴ Mwaami Lesa wandwiita ayi, “Bweenka nkalamu mboibuluma, ee, bweenka nkalamu inene mboicemba pamunyama ngoyacata alimwi bweenka mboitaloondi beembeshi batooiyobelela nabi bafule buyani, mbweeke ubo taaku weshi akakonshe kukasha nebo neMwaami Lesa kufuna Kalundu ka Siyoni.

Isaya 31:4 ပူးပေါင်းရင်းမြစ်များ

2 Makani 20:15

Mpeeke Jaasiyelo wakaamba ayi, “Nobaami amwebo nobene Juda abene Jelusalemu, Mwaami Lesa waamba ayi, ‘Mutatyongoli nabi kuloonda ceebo ca bashilumamba baanji aba. Nkondo teshi yanu, sombi njakwe Lesa.

Kulonga 14:14

Mwaami Lesa utoomulwaninaako, aboobo tamweelete kwaamba ayi mucite cintu nabi comwi.”

Kulonga 14:25

Wakalengesha kwaamba ayi mawilo a shikoci shabo shankondo kucatwa cakwaamba ayi cakalinga ciyumu kweenda. Ndibakabona bobulya bene Ijipiti bakaamba ayi, “Mwaami Lesa utoolwaninako bene Isilaeli ayi tukomwe. Atusweemo muno!”

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 30:32

Muciindi bene Asilya baakunoopekwa mulandu, balo bantu bakwe Lesa balaakunooshana kumukumo wa misebe atulumbu. Mwaami Lesa mwiine ulaakulwana bene Asilya.

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Jelemiya 50:44

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Babiloni kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Sekaliya 14:3

Mpeeke Mwaami Lesa ulaakwisa mukulwana mishobo iyo bweenka bulwana shilumamba pabushiku bwa nkondo.

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Ciyubululo 10:3

Lyalo wakoolobesha muliswi lyakanyumfwika anga nkubuluma kwa nkalamu. Ndyaakamana koolobesha, shilulumo shili shosanwe ashobilo shakanyumfwika.

Ciyubululo 5:5

Mpeeke muloba umwi wakaŋambila ayi, “Utanoolila! Bona! Uyo wiitwa ayi Inkalamu ya mumukowa wakwe Juda, wamulunyungu lwakwe Defedi wakakoma, aboobo ulakonsha kulamatula bakalamatila bosanwe abobilo abo akucalula libuku ili.”