Isaya 30:6 - Baibo Busansulushi Bwa Libuku Ili

⁶ Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 30:6 ပူးပေါင်းရင်းမြစ်များ

Matalikilo 12:9

Lyalo wakalinga kuya cituntulukatuntulukabo kuya kulubasu lwa kumalenge a Kenani.

1 Baami 10:2

Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

2 Makani 16:2

Mpeeke mwaami Asa wakabwesa silifa alimwi agolodi shoonse isho shakacaala muŊanda yakwe Lesa alimwi amuŋanda ya bwaami washituma kuDamasikasi. Wakashituma kuli Benadadi mwaami wa bene Silya pantu pomwi ankoombe yakwaamba ayi,

2 Makani 9:1

Mwaami mwanakashi wa kuShiba wakanyumfwa mpuwo yakwe Solomoni mukulambila liina lya Mwaami Lesa, wakanyamuka kuswa kuJelusalemu kwisa mukumwiipusha miipusho iyumu kukumbula. Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

Jobo 39:11

Sa inga wacinka manungo munkusu shiinji sha njiyo akwiilangila kwaamba ayi itoocita milimo yako iyumu?

Kulonga 1:14

Bakayumya ceendo ca buumi bwabo kwiinda mukubasebensesha ncito iyumu abuumbi ya buyaki, alimwi aya mumyuunda yabo, cakutabanyumfwilawo nkumbu.

Isaya 14:29

Mutasangalali mwebo nobene Filisiti kwaamba ayi Asilya, iyo nkoli ya bweendeleshi yalinga kumuuma yatyoka. Ceebo kuswa kumushobo wa nsoka ilya, kulaakuswa mpili. Mumpili mulaakuswa cifukufuku ucite busoka bucaya.

Isaya 15:7

Aboobo bantu batoosubuka Cinyika ca shisamu sha Masompe kutolelela abuboni bwabo boonse ubo mbobakalilundikila.

Isaya 19:4

Bene Ijipiti ndaakubaaba mumaansa a mwaami shilunkutwe, ncakwiila mwaami mukali ngweshi akabaleele. Nebo neMwaami Lesa, ee, neMwaami Lesa Shinkusu shoonse ndaamba.”

Isaya 35:9

Mumukwakwa uyo teshi mukabeewo nkalamu. Taaku banyama bamwi bakali baluma beshi bakeende nshila iyo. Sombi mukwakwa uyo ngwa baabobo bakalubulwa.

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Isaya 57:9

Mulalinaneeka mafuta eendaawo kununkila amafuta amwibo akuya mukulambila lesa Moleki. Kulangoola balesa abo mulacita kutuma beshinkombe banu kulaale ee, cakubatumabo nabi kushuumbwe kwiine.

Isaya 8:22

akulanga panshi cakushilika, sombi balaakunoobwenebo mapensho amunshinshe ushiya mbi. Ono mweenka umo mweshi bakashindikilwe.

Jelemiya 11:4

Nkokwaamba ayi cipangano ico ncendakapanga abamashali banu bakulukulu ndindakabakusha muIjipiti. Cishi ico cakalinga anga mumunyumbi mutoonyaka mulilo kuli mbabo.’ Ndakabaambila ayi, ‘Amunyumfwile akucita shoonse nshendamwaambila, ingaawo mukabe bantu bangu anebo ndyeshi nkabe Lesa wanu.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Esekelo 20:46

“Webo omuntu, langa kumalenge. Shimikila cakukalalila cishi ca kumalenge akulaluka mapensho kumisaansa ya nkuko.

Osiya 12:1

Bene Isilaeli balatandaanya muuwo ee, batandaanya muuwo uswa kwicwe bushiku boonse. Bubeshi ashalunkutwe shilacanwabo pali poonse. Balapanga shipangano abene Asilya akutuma mafuta a olifi kucishi ca Ijipiti.”

Osiya 12:2

Mwaami Lesa ulicite mulandu wakupa bene Juda. Ulaakupa mulandu bamulunyungu lwakwe Jakobo kweelana amicito yabo. Ulaakubabooshela cishole ceebo ca shintu isho nshebacita.

Mika 6:14

Mulaakulya, sombi teshi mukakute. Ncakwiila mafumo anu alaakunoolibo bwaashi. Mulaakubika kubutala, sombi teshi shikashikeeko mukwiinga shoonse ndaakushinyonyoola kunkondo.

Sekaliya 6:6

Cikoci cakalinga kukwelwa amaaki ashiya cakaya kumatwa kucishi ca Babiloni, maaki atuba akaya kumbo, aalo maaki amabalamabala akaya kucishi cakalinga kumalenge.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Shakubelenga 21:8

Mpomunyaawo Mwaami Lesa wakalwiita Mose ayi apange nsoka ya bulonse akuyaanjika pacisamu kwaamba ayi woonse weenga walumwa inga walanga kuli njiyo akuba kabotu.

Mateyo 12:42

Pabushiku bwakoomboloshekwa, mwaami mwanakashi wa kumalenge ulaakumushinina ceebo wakaswa kweela cishi kwisa mukunyumfwa busongo bwakwe Solomoni. Sombi pano mpwaali wiinda Solomoni!

Dutolonomi 17:16

Mwaami uyo teelete kuba amaaki aanji a bashilumamba bakwe nabi kutuma bantu bakwe kuIjipiti ayi bakaletelewo amwi, mukwiinga Mwaami Lesa wakakasha bantu bakwe kuboola nkuko.

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Dutolonomi 8:15

Wakamutanjilila muluyanga lunene alimwi luyoosha lulya, muli nsoka shicite buyoka bucaya alimwi antalaŋongo. Mulya taamu maanshi, sombi wakalengesha maanshi kukunka kuswa mulibwe ceebo ca ndimwe.