Isaya 30:4 - Baibo Busansulushi Bwa Libuku Ili

⁴ Ono nabi balicite kale bacinenenene mundabala ya Sowani, alimwi beshikwiimikanina bakashika kale mundabala ya Anesi,

Isaya 30:4 ပူးပေါင်းရင်းမြစ်များ

2 Baami 17:4

Sombi mwaaka umwi Osheya wakatuma nkombe kuli So mwaami wa bene Ijipiti kusenga lucafwo kuli nguwe. Wakacileka kupa misonko ya pamwaaka amwaaka kumwaami wa bene Asilya. Shalimanesa ndyaakanyumfwa cikani ico, wakacata Osheya akumubika muntolongo.

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Isaya 19:11

Bacinenenene ba mundabala inene ya Sowani mbaluya! Beshikupanda maano Falawo basongo balapa miyeeyo ifwite! Inga baambila buyani Falawo ayi, “Nebo ndi kulubasu lwa baabo basongo bakeeya kubamaami bakulukulu?”

Isaya 57:9

Mulalinaneeka mafuta eendaawo kununkila amafuta amwibo akuya mukulambila lesa Moleki. Kulangoola balesa abo mulacita kutuma beshinkombe banu kulaale ee, cakubatumabo nabi kushuumbwe kwiine.

Jelemiya 43:7

Aboobo bakenjila muIjipiti mukutanyumfwila Mwaami Lesa akuya mukushika kuTaapanesi.

Jelemiya 49:14

Ndakanyumfwa nkombe yakaswa kuMwaami Lesa yakwaamba ayi, “Shikumwiimikaninako wakatumwa kumishobo ya bantu mukwaamba ayi, ‘Amulibungebunge mulwane bene Edomu! Amunyamuke muye kunkondo!’

Esekelo 30:14

Ndaakunyonyoola cishi ca Patilosi, ndaakukutenta ndabala ya Sowani. Ndaakupa mulandu ndabala inene ya Tebesi.

Esekelo 30:18

MuTapanesi mulaakuboolabo mbi ndaakunyaya nkusu cishi ca Ijipiti, akumanisha nkusu nshebakalinga kulisumpwitaawo. Cilaakufweekeleshekwa amakumbi, abalo bamumishi ya ncico balaakutolwa mubusha.

Osiya 7:16

Bantu aba tabasandukili kuli ndime neMwaami Lesa Shinkusu shoonse. Ncakwiila kutashomeka kwabo kulibo anga nkwa buta busendeme. Ono bamatanjilili babo balaakucaikwa kunkondo ceebo ca maswi a mucobwe ngobasebensesha. Paceebo ceeco balaakusekwa abuumbi kubene Ijipiti.”

Obadiya 1:1

Ishi nshesheeshi Mwaami Lesa nshaakayubulwita Obadiya anga muciloto. Makani aya atokwaamba pabene Edomu. Mwaami Lesa wakatuma shikwiimikaninaako kumishobo imwi yoonse alimwi twakanyumfwa makani akwe akwaamba ayi, “Amulibambile! Tiya tukalwaane abene Edomu.”

Shakubelenga 13:22

Bakataanguna kuya kumalenge a cishi akushika kuEbuloni, uko kwakalinga kwikala shipani sha bene Ayimani, Sheshayi alimwi aTalimayi, bamulunyungu lwa bantu bapolomene beetwa ayi Anakimu. Ndabala ya Ebuloni ndiyakayakwa, pakeenda myaaka yosanwe ayobilo ayi iyakwe ndabala ya Soani mucishi ca Ijipiti.